Monday, February 05, 2007

الشعب المحتاس وقناة الناس

لو فتحت اى جورنال في اي يوم هتلاقي الكلام نفس الكلام في نفس الجرايد من نفس الاشخاص وفي نفس الموضوعات كمان مفيش جديد موضوع بيختفي ويظهر مكانه موضوع تاني وكأن الحكايه مترتبة والشعب يا حول الله عامل زي الطور اللي بيلف في الساقية مش عارف يسمع لمين او يصدق مين 100 جورنال معارضة و200 جورنال حكومة والاتنين نازلين طحن في بعض الحكومة بتقول علي المعارضة انهم عملاء والمعارضة بتقول علي الحكومة انهم فاسدين وانهم اسوء من الاسرائيليين وان استمرارهم في الحكم كارثة وطبعا كل واحد عنده من الادلة والبراهين والمستندات ما يثبت صحة كلامه وياكده يعني مثلا عندك الصحفي بتاع روزاليوسف المدعو عبد الله كمال نازل تقطيع في ابراهيم عيسي وسعد الدين ابراهيم وعمرو الشبكي وتقريبا دخل علي المقال السابع عنهم والغريب انه كاتب حاجات ما تتعرفش الا من ملفات امن الدولة !!!؟؟؟؟ ودة مثال من الامثلة لكن بصراحة كله كوم وحبيب قلبي مصطفي بكري دة بقي روحي روحي روحي قال ايه خير اللهم اجعله خير كاتب عن الاربعين بتاع صدام شفتوا تعريص اكتر من كدة ( يا راجل دة انت ما كتبتش مقال عن الاربعين بتوع ضحايا العبارة ) اما بقي باقي الجرايد نصهم بيهاجم الاخوان والنص التاني بيدافع عنهم وكل دة والشعب يا ولداة مش فاهم حاجة من اللي بيحصل الكل نسي قضية اكياس الدم الملوثة ونسي قضية العبارة ومحرقة بني سويف وغلاء الاسعار وبقي كل كلامنا عن سفاح المعادي اللي بيجرح وما بيقتلش وعن فرح بنت الوليد بن طلال وعن شركة المحمول الثالثة عمركم شفتوا شعب ربعه شايل موبايلات اخر موديل ونصه بيبات جعان عندنا كل سنة معرض كتاب فيه الاف الكتب ومعدل قراية المواطن العربي في السنة ربع صفحة ودة كله كوم وقناة الناس دي كوم تاني تخيلوا ان البلد كلها بتطالب بحرية تكوين الاحزاب وتشجيع الناس علي المشاركة السياسية والاقي شيخ طالعلي علي قناة الناس يقول " احمد الله انني لم اتحزب في حياتي قط " وانا عايز اقولة واحنا كمان بنحمد ربنا انك ما دخلتش حزب ومش عايزينك حتي تفكر في الموضوع ده والله خلاص القناة دي برجلت الواحد هي العملية ناقصة الوهابيين كمان يبوظوا في البلد اكتر ما هي بايظة مش كفاية علينا نواب القروض ورجال الاعمال اللي زي ممدوح اسماعيل صاحب شركة السلام 98 والوزراء اللي علي شاكلة يوسف والي علي العموم انا بصراحة زهقت ومش عارف اخرة اللي بيحصل في البلد دي ايه لكن فيه ازمتين لو اتحلوا ممكن ساعتها يبقي فيه امل ازمة الشعب المحتاس وقناة الناس ......... طبعا قناة الناس واخواتها وعلي العموم بكرة البترول يخلص ويبقوا يوروني شطارتهم بقي

11 Comments:

Anonymous Anonymous said...

ma hya de syset el ta7'deer elly mashya..bas ne7med rabena bardo ya3ni el 7koma bte3melena dma3' bebalash we dma3' 3alya kaman..bas terga3 we t2ool ya 3eeny 3ala el mwaten elly mosh la2y lo2met el 3eesh...7aga te7zen el 2lb

4:52 PM  
Blogger anameen said...

عندك حق الوضع فعلا شيء محزن بس بردة لازم نعمل اللي علينا ونتكلم ونحاول نفهم اللي مش فاهم

5:38 PM  
Anonymous Anonymous said...

ياااااااحزني
اخر حاجه كنت اتوقعها انك تتفرج علي قناه الناس

1:04 AM  
Blogger Unknown said...

كلامك تمام بس هاتعمل اية فى شعب ملوش فى الحياة غير كام نكتة واكل وخلاص

1:43 PM  
Blogger husam shady said...

معاك حق يا صديقى بس رغم كل ده إلا ان هناك حالة حراك جميله متمثله فى الإضرابات العمالية إللى بقت اليومين دول بتحصل على طول ودى بدايه أما بالنسبه لقناة الناس فدى حاجه تبضن يعنى إيه قناه بتاخد الناس للجنه وهل ده معناه إن القناه دى داخله الجنه يعنى هتبقى ورا الناس برضه هناك ههههههه

2:14 AM  
Blogger anameen said...

عيب عليك يا حرنكش انت تصدق اني اتفرج علي القنوات دي بردة

4:22 AM  
Blogger anameen said...

كلامك صحيح يا حسام ان فيه اضربات عمالية وفيه حركة بس هي في النهاية حركة عشوائية محتاجة تتنظم علشان تثمر عن شيء في النهاية

4:24 AM  
Blogger Modern Pharaoh said...

KHALAS! KOLAHA MASAYIB...EL SHA3B DOESNT USE THEIR MIND!! Ya haram El masriyeen don't understand they have a choice!

ps: Allah yikhrib Beet el Ekhwan el Motatarifeen dool! They don't care about Egypt...they care about spreading the RADICAL ISLAMIC VIEW.

ana moslim bas mish RAdical zay el himir dool.

12:33 AM  
Anonymous Anonymous said...

دة أنت طلعت جاهل يا عيد بقى يا راجل مش عاجباك قناة الناس ؟؟؟
دى قناة الناس دى المعبر الأساسى عن حالة الشعب وصلت لفين ( فى العلم يعنى )

بتلاقى فيها كل اللى أنت عاوزه من أول علاج السرطان بالأعشاب لحد تشخيص حالات الحسد المستعصية ... بلا طب بلا كيميا بلا كلام فارغ يا راجل

ومعلش بقى الشعب المصرى مش ضحية ولا حاجة ... كل حاجة بمزاجه وعالطبطاب و متكيف أربعة وعشرين قيراط

2:32 PM  
Anonymous Anonymous said...

أحا بالفم المليان
ايه الشرمطة ده انت كتبت مقال طويل عريض فيه كل فساد البلد واخترت عنوانه الشعب المحتاس وقناة الناس
مش بالذمة ده علوئية

1:47 AM  
Anonymous Anonymous said...

طيزك حمراء يا أستاذي العزيز
تعلم كيف تسيطر و توجه أفكارك ،
ثم تعلم كيف تقوم بصياغة هذه الأفكار بأسلوب سليم
ثم أعثر علي وظيفة وأبتعد عن التدوين
..
.
يا طيز

7:51 AM  

Post a Comment

Subscribe to Post Comments [Atom]

<< Home