كل سنه وانتي طيبة
هذه اللحظة من اللحظات
القليله التي تراوضني بها رغبة حقيقية في الكاتبة والتعبير عن ما بداخلي
اريد ان اوجه رسايل الي
اشخاص غير موجودين في هذه الدنيا
ومن من أريد الكتابة
اليهم
هي .....
أريد ان اقول لها
ياريتك كنتي معايا
كان نفسي اقضي العيد
معاكي
او حتي بس اخرج معاكي
خروجه
واقلك لما تروّحي رنيلي
- زي ماكنا بنعمل -
وتروحي انتي مترنليش
علشان مامتك زعقتلك وانتي اتنكدي ونسيتي - برضه زي ما كان بيحصل -
نفسي ...نفسي بجد ..نفسي
في اللي انتي نفسك فيه
نفسي المس إيديكي
ويمكن
اكتر من كده شوية
كتير كنت بحللم باليوم
اللي نوصل فيه لقمة التواصل الانساني
واللي هيتحقق كله في وقت
قمة التواصل الجسدي
نفسي
ومظنش انه كتير عليه....
ان صوابعي تلمس صوابعك
وألمس شعرك كده زي ما
العازف بيلمس الهارب
نفسي بجد
ونفسي اوي
بس انتي مش موجوده معايا
الله يرحمك ...بس انا
والله ما نسيتك ولا هنساكي وهفضل فاكرك وكل عيد بيعدي عليه
بتمني فيه انيك تكوني
معايا
وبلعن ابو الايام اللي
كانت هتبقي احلي واحلي واحلي بيكي
ممكن تحملوا الاغنية اللي كنت بسمعها قبل
ما اكتب البوست
من هنا
posted by Anonymous at
5:37 PM
31 Comments:
This comment has been removed by a blog administrator.
بقي كل الكلام ده يطلع منك يا حرنكش يا مدهول
علي العموم بوست رقيق يا حرنكش ورومانتيكي علي الاخر بس كان لازم يعني قمة الحب والكلام الكبير دة يعني
اذكروا محاسن موتاكم يا اخي
وكل سنة وانت طيب
علي فكرة يا جماعة حبيبتة مش اسمها محاسن علشان عارف الاذكياء يعني
يخرب بيتك يا حرنكش
الحكايه كدا فعلا قلبت غم أوى ومابقيتش ناقصه
ربنا يستر
ايه ده ؟؟ ايه الكلام الكبيييير أوي ده .. و الله صعبت عليا .. علي فكرة أنا مش كنت ناقص كلام زي ده
toyo .........
الاموات لا تجوز عليهم الا الرحمه مش تلمس صوابعها يا وضيع و كلام فارغ
و اكتر شويه ايه انت فين عقلك
كلام ينرفز من واحد غير مؤهل للكلام ده بس الشىء الوحيد الكويس الصوره بس معناها خدها غصب ولا بمازجها
ارجو التوضيح و الاستبيان
M.Fouad
معلش مش رط كل حاجه تعجبك يامحمد ياصديقي العزيز
انت شوفت الصورة ملهاش لازمة
انا شايفها ليها لزمة اوي
وعادي يعني
اختلاف في الاراء
Anonymous
الحقيقه بقي يانينومس
مش هرد علي كلمة وضيع وكلام فارغ واكبر شوية وبتنجالك المقلي ده اللي انته قلته
لكن هقولك بس عالصورة
بس عليها تاني كده
بس وانت مركز بس
وشوف هتحس ايه
اللي هتحسه
هو اللي المفروض تحسه
يعني حاجه ترجعلك مش ترجع للصورة
mario...
ana shayf enta lama hat7eb hat7eb me3za mosh bany2adma...we ba3deen 7'aleek fe el syasa we el btengan bta3ko da we seeb el 7ob l2s7abo yabni..we lem el door badal ma 2bala3'(",)......
إني أري ها هنا إناس قد تعدوا حدود الادب .. منهم اتنيين مش عندهم اسم و التالت رئيس تحرير مجلة محترمة .. رئيس التحرير ده انا مش هتكلم عليه لاني عارف هو كتب كده ليه .. طبعا انت عارف يا حرنكش انت و عيد .. يعني احنا ممكن نقول عليها غيرة مهنية .. اما بقى الاتنيين التانيين دول فعدم كتابتهم إسمهم كفيل انه يخلي الواحد يتجتهلهم .. عارفيين ليه ؟؟ لانهم با امة خايفين يقولوا اساميهم أو جهلة .. يا عزيزي يا حرنكش .. الكلاب تعوي و القافلة بتنفصلها و تفضل ماشية
بوست حلو، ومش فاهم انا حكاية اذكروا محاسن موتاكم! هل انجذاب الشخص لحبيبته شئ مكروه؟ لو مكروه نبقي كلنا سفلة! :)
سلام
بوست حلو ومعبر
بس حا ارجع واقول لك
ماتستسلمش للأحزان
الدنيا لسه قدامك
اما هؤلاء المجهولين اللي بيعلقوا بقله ادب
فيه واحد مستلمني
وياريت تروح تقرا بوست انا مكسوفه الأصليه واحذروا التقليد
عمر
انا عارف ياخوية
ما يمكن كلنا سفله بقي واحنا مش داريانين
هههههههه
شرفت
MAKSOFA
شكرن يامكسوفه
انا قريت طبعا الموضوع بتاع انا مكسوفة الحقيقية وأحذروا التايواني ---قصدي التقليد
:)
كدة يا حرنكش ؟ ياولة انت مش قلتلى انك كنت نسيت الموضوع ده ؟؟؟
مينفعش أقولك أنت صعبان عليا و قلبت عليا المواجع لأنك من ساعة ماحكيتلى الموضوع ده من قبل رمضان وأنا بفكر فيه و خايف ... بدعى ان ميحصليش زى ما حصلك و من ساعتها بتعذب بيه ... فاكر لما أنا كنت تعبان من فترة كدة؟؟ كان سبب تعبى الأساسى انى فكرت فى اللى انت مريت بيه و خفت يحصلى زيك .. أنت استحملت ومظنش كان ممكن استحمل أنا كمان زيك .. بس الحمد لله ربنا سترها معايا
وصدقنى حبيبتك ارتاحت من الدنيا و اللى فيها وصدقنى برضه واحد زيك أكيد حيلاقى انسانة تانية تملا عليه حياته ... بس ساعتها متنساش حبيبتك الأولانية و أدعيلها بالرحمة و انكوا تتقابلوا فى الجنة ... مفيش حاجة بعيد عن ربنا
بالنسبة بقى للأخوة المعلقين :
كتكوا نيلة و أخص بالذكر محمد فؤاد صديقى طبعا لأنه للأسف معرفش يعنى ايه حب بجد ولا يعرف يعنى ايه كتابة بجد و الناس اللى فاكرة الحب تسبيل و كلام و خلاص ... و الصراحة خلاخيلو كان عايزنى أشوف التعليقات الغبية و يمكن كمان أرد عليها بس انت يا حرنكش ردودك ف الصميم و مش محتاجة مساعدة منى و كمان أنا عاذرهم لأن موضوع زى ده محتاج شوية احساس مش متوفر فى البشر اليومين دول ...... بس يابنى قلل شوية من الغلطات الأملائية بتاعة شكرن و العلم نورن خليت المخرجين النص كم يتلككوا بيها ونت عارف قصدى على ميين
يا بختك ياعم
طب عشت الايام زمان اصلا
الدور والباقي ع اللي بيحلم يعيشها يوم واحد
ههههههههه
ولا عزاء في المتنيلين علي عين ابوهم
واحد سمع الحكاية من بق صاحبها
احمد يابدوي حبيبي
ايه الاخبار ؟؟
متفهم كل كلمه قلتها
بالنسبة بقي لحكاية شكرن وبتاع
فيه ناس لسه معرفتش يعني ايه كتابة الكترونية
اوعي تكون منهم يااااض
:)
ادم المصري
ومن شر النفاثات في العقد
هههههههه
وانتوا لازم تحسدوا وخلاص
شرفت يابوالبشر
toyo.......
حاجه تنرفز
بص للموضوع من ناحيه غير انك مجروح و بتاع بص من منظور اخر بمعنى انت واحد داخل على البولج ده هب لقيت الكلام ده و الصوره ايه هيكون رد فعلك اكيد ها تتنرفز جدا من طريقه التعبير عن المشاعر بالطريقه دى
صدقنى انا مش بهاجم و بس للاموات حرمه لابد ان تحترم مع كامل الاحترام للمأسه الى انت عشتها بس ما ينفعش الكلام ده
ممكن تكتب عن اى حاجه فى الدنيا بلاش موضوع الموت ده
ماشى
ارجوا سرعه الرد
إرهاب toyo........
الإرهاب هو أي عمل عدواني يستخدم العنف والقوة ضد المدنيين ويهدف إلى إضعاف الروح المعنوية للعدو عن طريق إرهاب المدنيين بشتّى الوسائل العنيفة. ويتخذ الإرهاب أماكن متعددة بين العدو إلا ساحة المعركة التي يشرّع بها استخدام العنف. فنجد الإرهاب يستهدف الطائرات المدنية وما تتعرض له من اختطاف، والمدينة المكتظة بالسكان وما ينالها من تفجيرات واغتيالات. ويُعرف كل من يضلع في بث الخوف والرهبة في قلوب الآمنين بالإرهابي أو الإرهابية.
تاريخ
العمل الإرهابي عمل قديم يعود بنا بالتاريخ مئات السنين ولم يستحدث قريباً في تاريخنا المعاصر. ففي القرن الأول وكما ورد في العهد القديم، همت جماعة من المتعصبين على ترويع اليهود من الأغنياء الذين تعاونوا مع المحتل الروماني للمناطق الواقعة على شرق البحر المتوسط.
وفي القرن الحادي عشر، لم يجزع الحشاشون من بث الرعب بين الآمنين عن طريق القتل، وعلى مدى قرنين، قاوم الحشاشون الجهود المبذولة من الدولة لقمعهم وتحييد إرهابهم وبرعوا في تحقيق أهدافهم السياسية عن طريق الإرهاب.
ولننسي حقبة الثورة الفرنسي الممتدة بين الأعوام 1789 غلى 1799 والتي يصفها المؤرخون بـ"فترة الرعب"، فقد كان الهرج والمرج ديدن تلك الفترة إلى درجة وصف إرهاب تلك الفترة "بالإرهاب الممول من قبل الدولة". فلم يطل الهلع والرعب جموع الشعب الفرنسي فحسب، بل طال الرعب الشريحة الأرستقراطية الأوروبية عموماً.
ويرى البعض إن من أحد الأسباب التي تجعل شخص ما إرهابياً أو مجموعة ما إرهابية هو عدم استطاعة هذا الشخص أو هذه المجموعة من إحداث تغيير بوسائل مشروعة، كانت اقتصادية أو عن طريق الاحتجاج أو الاعتراض أو المطالبة والمناشدة بإحلال تغيير. ويرى البعض أن بتوفير الأذن الصاغية لما يطلبه الناس (سواء أغلبية أو أقلية) من شأنه أن ينزع الفتيل من حدوث أو تفاقم الأعمال الإرهابية.
إلا أنه قد ورد في الدين الإسلامي مفهوم الإرهاب بمعنى إيجابي دعي له القرآن ألا وهو إرهاب العدو كما جاء في الآية "وأعدوا لهم ما استطعتم من قوة ومن رباط الخيل ترهبون به عدو الله وعدوكم"، ولعل هذه الآية من المبررات التي يتمسك بها أسامة بن لأدن ومناصروه والمنظرين لجماعته "القاعدة" كأبي هابرا الكريتري وغيرهم.
معنى الإرهاب و مفهومه
وقد ورد معنى الإرهاب في القران الكريم بصيغة واضحة لأتقبل التأويل ، ومنها الرهب ، والاسترهاب، وجاء ايجابيا لأنه كذلك حيث جاء في القرآن الكريم في سورة الأنفال" وأعدّوا لهم ما استطعتم من قوّة ومن رباط الخيل ترهبون به عدوّ الله وعدوَّكم وءاخرين من دونهم لتعلمونهم الله يعلمهم ". إن الخلط في مفهوم الإرهاب يرجع إلى ترجمة لغوية ليست غير دقيقة فحسب بل غير صحيحة مطلقا لكلمة Terror الإنجليزية ذات الأصل اللاتيني . المعبّر عنه اليوم بالإرهاب هو ما استُخدِم للتعبير عنه في اللغة العربية كلمة " الحرابة " أخذا مما ورد في القران الكريم في سورة المائدة " إنما جزآؤُاْ الذين يحاربون الله ورسوله ويسعون في الأرض فسادا أن يقتّلوا أو يصلّبوا أو تقطّع أيديهم وأرجلهم من خلاف أو ينفوا من الأرض ذلك لهم خزي ٌ في الدّنيا ولهم في الآخرة عذاب عظيم (33) " وفي فترة لاحقة توسّع فقهاء الإسلام في توسيع دلالات هذا التعبير ، لينطبق على مخالفة أولي الأمر . و استغل الخلفاء الأمويون والعباسيون هذا المفهوم ، ومن بعدهم السلاطين والأمراء ليشمل من يخالفهم الرأي في الحكم ، وما يعرف بالمعارضين السياسيين على تعبير اليوم.لذا فمن الضروري البحث عن مصطلح أكثر دقة يعبر عن للترويع وفق الفهم الإسلامي
الأعمال الإرهابية
في تاريخنا المعاصر، كثيرة هي الأعمال التي من شأنها ترويع المدنيين ومنها الجرائم التي ارتكبتها إسرائيل بحق الشعب الفلسطيني مثل مذبحة دير ياسين ومذبحة كفر قاسم ومذبحة غبية ومجازر صابرا وشاتلا . وكذلك قتل الأسرى المصريين في حربي 1956 و1967 , ومذبحة مدرسة بحر البقر التي نفذها الجيش الاسرائلي ضد أطفال المدرسة عام 1969 وهم داخل صفوفهم الدراسية . كما كان للولايات المتحدة الأمريكية باع طويل في ارتكاب جرائم الإرهاب ضد العديد من شعوب العالم ,ومن ذلك ما فعلته أمريكا في الحرب الكورية, حيث قتلت الفوات الأمريكية نحو مليون كوري . وفي الحرب الأمريكية ضد فيتنام ارتكب الأمريكيون جرائم مماثلة إذ بلغ إجمالي ضحاياالارهاب الأمريكي نحو مليوني فيتنامي من الأطفال والنساء العزل . ومن أعمال الإرهاب أيضا حادثة تفجير طائرة ألبان آم فوق سماء لكربي الاسكتلندية، وإسقاط الطائرة الليبية فوق صحراء سيناء عام 1970 بواسطة الجيش الاسرائيل , وإسقاط الطراد الأمريكي فتسنت للطائرة المدنية الإيرانية فوق مياه الخليج العربي عام 1989 ومن أعمال الإرهاب أيضا تفجير المبنى الفيدرالي في ولاية اوكلاهوماالامريكية. ولعل أكثر الحوادث التي هزت العالم بأسره تلك الأحداث التي ألمّت بالولايات المتحدة من تفجيرات وسقوط مباني في 11 سبتمبر2001 والتي خلّفت نحو ثلاثة آلاف قتيل أمريكي ,وتكبّد العالم بأسره خسائر تقدّر بمليارات الدولارات. أما أحدث إشكال الإرهاب فهو ما تفعله الولايات المتحدة الأمريكية في العراق ,حيث قامت أمريكا بغزو العراق بالمخالفة لكل المواثيق الدولية وقامت بقتل ما يزيد على مائة ألف عراقي حتى الآن ولا يزال القتل مستمرا وكذلك الإرهاب الأمريكي ضد الشعب
toyo.......
انا عند افتكاسه لذيذهممكن تقراها يا حرنكش و يا عيد
قصه من ملفات المخابرات العامه السريه
بقلم toyo
اشرقت شمس يوم 13-اكتوبر -1973 على مبنى المخابرات السرى القاطن فى شارع عماد الدين خلف سينما اوديون رقم 18 صندوق بريد 122334 ملاكى الوادى الجديد على النيل جنب الهرم على طول
و اطل من النافذه وجه داعب الزمن تجاعيده و طلع عين امه كرمشه و بهدله عشان ما بيستخدمش كريم اساس ماركه المورته فى قعر الحله
و فى اثناء شروده انفتح الباب فجاه مما جعل الرجل ينتفض و يتـــسرع و هو يصرخ (حى) و اخذ ينبح فى وجه القادم الى ان القى الضوء القادم من النافذه المشهد على الرجل اللذى طالما انتظره العالم الرجل اللذى لم ينجح احد فى اعتقاله ...... الرجل الفولاذى الاصل البرنزى اللون البرتغالى الملامح و الاغريقى الجسم و من الاخر ممكن نختصر و نقول سوبر مان او سوبر كليوباترا مش مهم اهو كله هيتشرب انه البطل المغوار و الجحش الحمار و قاهر الاشرار و هاتلى معاك كيسين فيشار
انه
اهتم فخرى
الرجل المستدير اللذى هزم الهكسوس و التتار و اخرج الحمله الفرنسيه من باب الشعريه و اصر على بناء الاسكندريه انه من انقذ مناخير ابو الهول انه من ينزل الى البحر و لا يبتل (عشان لابس بدله مطاط اكيد) انه امل مصر فى نهائيات كاس العالم 2200
انه اهتم فخرى الرجل المستدير
يقترب اهتم من رئيس المخابرات و الشرر يتطاير من عينيه و الزبد يسيل من شدقيه (ايه شدقيه دى العالم دول بيجيبوا الكلام ده منين) ويبدأ فى سؤال المدير "فى ايه يا قلق على الصبح الله يخرب بيوتكوا مش عارف استريحلى يومين هوا مافيش فى ام الجهاز ده غيرى ماتبعت اى حد تانى حسستوا العالم ان من غير اهتم فخرى ماكوناش عبرنا القناه ايه انت جاموس ما بتحسوش فى اوروبا و الدول المتقدمه بيخلوا عند اللى جابوهم دم و بيقدروا الظروف ايوه نعم تحت امرك فى ايه
يكاد المدير يفقد وعيه من هول الصاعقه لكنه يتماسك و يتكتم لانه صاحب مرض و صاحب عيال و يرد على اهتم بكل هدوء : مصر محتاجاك يا رأفت قصدى يا جمعه قصدى يا اهتم
يتدارك اهتم الموقف و تمتلأ عيناه بالدموع و يبربر و العمليه تقلب بالوان اخضر فى ازرق و يتسايل المخاط فى تناغم معبر و هو يقول ...... مصر مصر اللى ربتنى و علمتنى و طلعت عين اهلى و زمالك كمان و ماليش غيرها انا كلى تحتك يا افندم اقصد تحت امرك يا افندم
يخرج المدير من درج المكتب نظاره معدنيه ملفوفه بقماش احمر و هو يناولها لاهتم و هو يقول : النضاره دى لاقيناها فى برميل خشب جنب الهرم الكبير و كان معاها ورقه مكتوب عليها صنع فى شبرا الخيمه و طبعا زى ما انت شايف النضاره صناعه ايطالى عشان مافيش حد فى ام البلد دى يقدر يطلع نضاره بالنظافه دى
و ضرب المكتب بقبضته حتى اوشك على كسر الزجاج و وصلت صرخته اللى ميدان باب اللوق
و هو يقول : انا عايز اعرف النظاره دى منين و ايه مصدرها و اكيد يا اهتم احنا كشفنا على النضاره بالاشعه الفوق مروحيه و عرضناها لجهاز كشف الحمل حاولنا نولدها قيصرى و برضه مافيش فايده و انا معتمد على الله و عليك عشان تقوللى النضاره دى منين اصلها عاجبه المدام و عايزه واحده اختها
يسأل اهتم فى اهتمام عن اذا ما كانوا وجدوا مع النظاره علبه ام لا ليجيب المدير بانهم فعلا وجدوا علبه معاها مكتوب عليها محل الكفيف للنظارات
وهنا تبرق عينى اهتم و تلمع فى الظلام و هو يهتف : انا عرفت النظاره دى منين يا افندم
المدير : منين ابوس رجل امك
اهتم و هو فى اشد حالات الزهو
.
..
...
....
.....
......
.......
........
.........
..........
من محل الكفيف للبصريات
المدير ربنا يستر على ولاياك هو ده اهتم اللى نعرفه انه الرجل اللذى حل القضيه فى 4 ثوانى انه
الرجل الرهيب انه فخر الصناعه المصريه انه اهتم فخرى الرجل المستدير
toyo......
ولسه انا بس بسخن
و برضه مش ها تعرف انا مييييييييين
بس انا مييين بتاعتى مش زى بتاعه عيد
دى لسه بدايه
مش هاتقدر تغمض عنيك toyo
toyo
ايه ده هو انت اتنرفذت ؟؟
اه هي بالذال علي فكرة
معلش والله مكنش قصدي وانا بكتب ده اني انرفذ حد
toyo.......
بص يا حرنكش انت
طريقه كلامك معجبتنيش خالص وفيها نوع من عدم الاحترام وانا بحذرك من ده بلاش معيا انا بالذات
و بالنسبه للغلطه الجامده الى انت مسكتها الكلمه اصلا مش عربيه عشان تتفلحس عليا بمعنى اكتبها زى ما اكتبها ب ز او ب ذ واحد يعنى
و حاجه كمان مش انت الى هاتعلمنى العربي الى انا بدرسه من قبل ماتتولد
يا خبر بجد مش عارف إيه حصلى لما قرأت كلامك ده لكن بجد جالى إحساس إنك واحد صاحبى وإنى عايز أقولك كلام كتييييير لكن مش لاقى كلام أقوله هقولك تعيش وتفتكر هقولك تعيش وتنسى مش هقول حاجه
che husam
شكرن علي تعليقك الجميل
اللي انا كمان حسيته :)
جميل جدا انك تقدر تعبر عن مشاعرك بالكلام الجميل ده
انا بهنيك
امضاء ابو حميد
متشكر يابو حميد
البلوج نور والله
مش ناقصه غم .. بس بوست حلو اوى
ربنا يرحمها
toyo.......
اعذرنى معنديش بلوج لاسباب امنيه مضطر انشر عندك
قصه هاتعجبك بجد
يروى أن صيادا لديه زوجة وعيال، لم يرزقه الله بالصيد عدة أيام، حتى بدأ الزاد ينفد من البيت وكان صابرا محتسبا، وبدأ الجوع يسري في الأبناء، والصياد كل يوم يخرج للبحر إلا أنه لا يرجع بشيء. وظل على هذا الحل عدة أيام
وذات يوم، يأس من كثرة المحاولات، فقرر أن يرمي الشبكة لآخر مرة، وإن لم يظهر بها شيء سيعود للمنزل ويكرر المحاولة في اليوم التالي، فدعى الله ورمى الشبكة، وعندما بدأ بسحبها، أحس بثقلها، فاستبشر وفرح، وعندما أخرجها وجد بها سمكة كبيرة جدا لم ير مثلها في حياته
ضاقت ولما استحكمت حلقاتها * * * فرجت وكنت أضنها لا تفرج
فأمسكها بيده، وظل يسبح في الخيال
ماذا سيفعل بهذه السمكة الكبيرة ؟
فأخذ يحدث نفسه…
سأطعم أبنائي من هذه السمكة
سأحتفظ بجزء منها للوجبات الأخرى
سأتصدق بجزء منها على الجيران
سأبيع الجزء الباقي منها
…… وقطع عليه أحلامه صوت جنود الملك … يطلبون منه إعطائهم السمكة لأن الملك أعجب بها. فلقد قدر الله أن يمر الملك مع موكبه في هذه اللحظة بجانب الصياد ويرى السمكة ويعجب بها فأمر جنوده بإحضارها
رفض الصياد إعطائهم السمكة، فهي رزقه وطعام أبنائه، وطلب منهم دفع ثمنها أولا، إلا أنهم أخذوها منه بالقوة
وفي القصر … طلب الحاكم من الطباخ أن يجهز السمكة الكبيرة ليتناولها على العشاء
وبعد أيام اصاب الملك داء (الغرغرينة، وكان يطلق عليه اسم غير هذا الاسم في ذلك الزمان) فاستدعى الأطباء فكشفوا عليه وأخبروه بأن عليهم قطع إصبع رجله حتى لا ينتقل المرض لساقه، فرفض الملك بشدة وأمر بالبحث عن دواء له. وبعد مدة، أمر بإحضار الأطباء من خارج مدينه، وعندما كشف الأطباء عليه، أخبروه بوجود بتر قدمه لأن المرض انتقل إليها، ولكنه أيضا عارض بشدة
بعد وقت ليس بالطويل، كشف الأطباء عليه مرة ثالثة، فرأوا أن المرض قد وصل لركبته
فألحوا على الملك ليوافق على قطع ساقه لكي لا ينتشر المرض أكثر... فوافق الملك
وفعلا قطعت ساقه
في هذه الإثناء، حدثت اضطرابات في البلاد، وبدأ الناس يتذمرون. فاستغرب الملك من هذه الأحداث.. أولها المرض وثانيها الاضطرابات.. فاستدعى أحد حكماء المدينة، وسأله عن رأيه فيما حدث
فأجابه الحكيم: لابد أنك قد ظلمت أحدا؟
فأجاب الملك باستغراب: لكني لا أذكر أنني ظلمت أحدا من رعيتي
فقال الحكيم: تذكر جيدا، فلابد أن هذا نتيجة ظلمك لأحد.
فتذكر الملك السمكة الكبيرة والصياد.. وأمر الجنود بالبحث عن هذا الصياد وإحضاره على الفور.. فتوجه الجنود للشاطئ، فوجدوا الصياد هناك، فأحضروه للملك
فخاطب الملك الصياد قائلا: أصدقني القول، ماذا فعلت عندما أخذت منك السمكة الكبيرة؟
فتكلم الصياد بخوف: لم أفعل شيئا
فقال الملك: تكلم ولك الأمان
فاطمأن قلب الصياد قليلا وقال: توجهت إلى الله بالدعاء قائلا
(( اللهم لقد أراني قوته علي، فأرني قوتك عليه ))
لا تظلمن إذا ما كنت مقتدرا * * * فالظلم ترجع عقباه إلى الندم
تنام عينك والمظلوم منتبه * * * يدعو عليك وعين الله لم تنم
الانس ثمرة الطاعة والمحبة ..فكل مطيع لله مستأنس... وكل عاص لله مستوحش
الله
كلام جميل
و بوست جميل
لكن كنت اريد السؤال عما حدث في الوقفة الاحتجاجية امام روزاليوسف
لاني للاسف الميعاد لم يناسبني
الله
كلام جميل
و بوست جميل
لكن كنت اريد السؤال عما حدث في الوقفة الاحتجاجية امام روزاليوسف
لاني للاسف الميعاد لم يناسبني
الله يرحمها ...أد ايه انت انسان حساس يا حرنكش ويجي منك والله بس لو تفكك من شوية الافتكاسات والشعوذة الللي فدماغك دول
:)
Post a Comment
Subscribe to Post Comments [Atom]
<< Home