أطمنوا عجلة التطور مش واقفة
بسم الله الرحمن الرحيم
( فأما اليتيم فلا تقهر *
وأما السائل فلا تنهر )
صدق الله العظيم
ياأهل الخير أنني مطلقة
وأعول ثلاثة أطفال ( طفلة في المدرسة ) أعولهم من فضل الله ومن مساعدات أهل الخير (
وأنتم أباء وأمهات وتحسون بما يحتاجه هؤلاء الاطفال ) فضلا عن اني أسكن بإيجار شهري
100 جنية ، لذا أطلب المساعده من أهل الخير رزقكم الله العافية ورزقكم الخير كلة
وهداكم الي ما يحبة ويرضاه
لا تتعجب إطلاقا إذا كنت
راكب وسيلة نقل عام ( وطبعا انته عارف انهي هي وسيلة النقل العام .... ايوه ايوه
اللي بتغلَي كل خميس الساعه 12 والناس نايمة...ومتسئلش اشمعني اتناشر بالذات
.....
أقول ايه بس ياربي في
أطفال قاعده:)
وتلاقي إمرأه "سنها
متقدرش تعرفه علشان مغطية وشها بالنقاب " بتدليك في ايدك ورقه مكتوب فيها الكلام
اللي فات ده
طبعا كل حاجه بتطور او
المفروض انها تطور
ويمكن التسول من الحاجات
اللي مع التطور المفروض تتقهقر ...ولكن ابتسم ... انت اكيد في مصر!!!!!
ورقه مطبوعة بالكمبيوتر
ومتصورة .....هيه اخر طرق التسول
ما اهو برضه ليهم حق
همه كل مايركبو مواصله يعضو
يقولو الكلام من اول وجديد
ولو انت متابع التطور
الادائي بالنسبة للشحاتين
هتلاقي ان في احدي المراحل
كان المشهد المعتاد انك
تلاقي طفل في حدود اتناشر تلتاشر سنه فاتح كراسة وكتاب قدامة وقاعد تحت عمود
نور في الشارع
اللي غالبا هوه شارع من
شوارع وسط البلد
ويقولك ممكن سندويتش علشان
اكمل مذاكرة
وطبعا لو انت قلبك طيب
هيتهيألك ان ده مشهد مأساوي
ومتقدرش تتحرك الا لما تنفذ اللي طلبة منك الطفل اللي بيذاكر ......او اللي
بيدعي انه بيذاكر
وطبعا علي مدي اقناع
المتسول ليك هتكون حجم الحسنة اللي هيدفعها العميل ..اللي هوه انت يعني ..
وده ان دل فاكيد بيدل
عالكتير
ومن اهم الحاجات اللي بيدل
عليها ان فعلا في ابداع في مصر
وكل يوم فيه جديد
وعجلة التطور مش هتقف "
عجلة التطور بتاعه الشحاته يعني مش بتاعة حاجه تانية "
***الصورة تعبيرية وملهاش علاقة بالموضوع
posted by Anonymous at
12:20 AM
18 Comments:
الحمد لله كل الدنيا بتطور وبتواجه الأزمة الأقتصادية بوسائل جديدة أما الموظفين فحالهم زي ما هو
واللة انا شايف ان الكلام اللي انت بتقولة دة كلام كبير وذات نظرة مبعدية وعلي فكرة انا عندي عجلة لو محتجها يعني
محمود ماجد
لا اطمن
اي موظف مش عاجبة حالخ ممكن يقدم استقالته
او يقدم علي معاش مبكر
ويشوف بقي مستقبلة
:)
anameen
ممكن تسافر مطروح وتقف تأجرها
فيه زباين هناك كتير اوي :)
أديك قلتها ..اي موظف يقدم أستقالته ..أديني قدمت أستقالتي امبارح يا عم ...فين بقى مستقبلي ؟؟؟!! مش عارف !!!..يلا ربنا يسهل
بقولك صحيح الحفلة بتاعة 12/10اللي انت قلتلي عليها في المدونة بتاعتي ؟؟حتبقى فين والساعة كام؟؟
لتفاصيل قريب وهاجي اقلك بكرة في البلوج
كل سنه وانت طيب ياحرنكش ورمضان كريم
رمضان كريم ويعود علينا الايام بخير يارب
وشكرا يامكسوفة
ووحوي ياوحوي
:)
كويس انك قلت ان الصورة تعبيرية لحسن أنا أفتكرتها شحاتة بالنيولوك قلت ده كدة يبقى الواحد اطمن على مستقبل العجلة بتاعة مصر و البلف كمان
هههههههههههههههههههه
شحاتة كده
دا لو كده اقدم بكرة علي طلب شحاتة :)
اذن
قشطة
.
.
فيه شحاتين دلوقتي بيشحتوا ع الموضة
شوفت انت اللي تلاقية لابس ومهندم نفسة
وتلاقية يقلك يا استاذ معكش نص جنية عشان فلوسي خلصت وعايز اركب
طبعا لما سيادتك هتشوف لبسة تستغرب من النص الجنية
تقوم تكع زي العبيط
ههههههه
تحياتي
ادم المصري
حلوة اذن قشطه دي :(
بس كويس والله
علي الاقل تقعد مجعوض وتقول احم احم دا انا شحت بيه :))))
رمضان كريم
مدونة دمها خفيف,,,اه يا عمي مانتو مصريين:)
ايمان
الله اكرم
وشكرن بجد عالكلام الحلو اللي كتباه ده
قال احنا دمنا خفيف احنا :)
الدنيا كلها بتطور حتى الشحاته بكره نلاقى الناس طالعه تشحت برساله مسجله على تتعاد لوحدها
بس برده احنا لو بصينا للموضوع من ناحيه تانيه ايه اللى مخلى الناس ديه تعمل كده اكيد برده هما عندهم الظروف اللى جبراتهم على اهدار الكرامه بالطريقه ديه
تحياتى
sherif gharib .....
ما اهو اكيد فيه اسباب وره انهم يعملوا كده
بس اللي مش عادي ان الورقه اللي بيوزعوها كلها واحده
وده معناه ان شغلهم مش فردي
معني كده ان شغلهم مؤسسي :)
ودي هيه المشكلة
الحكاية مش حكاية حد محتاج وبيسأل
لا دي موضوع تاني خااالص
منورنا بكلامك وافكارك يا زعيم
كل سنه وانت طيب
الله يخليك
يمفلس أفندي الرايق باشا :)
Post a Comment
Subscribe to Post Comments [Atom]
<< Home