يا خرابي يا عرابي
طيب انت علي الاقل انت عرفت تجيب حصان ولابس بدلة بنت ناس
دلوقتي الناس مش لاقية تشرب ميه
وماتزعلش ان الخواجة ديليسيبس ضحك عليك في موضوع القنال
احنا بردة عندنا خواجات ضحكوا علينا في مشروع توشكي
تصدق يا عم عرابي والله لحد دلوقتي ما اعرف ليه سموها توشكي ؟؟؟
الا قولي صحيح انت تعرف ولا لا ؟
زمان علي ايامك البلد كانت بتصدر القمح
دلوقتي بقينا بنصدر القمع والتعذيب وفيه فائض كمان
حتي الانجليز طلعوا جدعان معاك ونفوك برة البلد
لكن دلوقتي انت ممكن تتكهرب وتتقلع ولا مؤاخذة ومراتك تتبهدل
الانجليز يا عم عرابي طلعوا بعد 82 سنة
تفتكر الناس اللي محتلة البلد دلوقتي هتطلع بعد كام سنة ؟؟
يا عم عرابي رد عليا وما تنفضش
عم عرابي .....عم عرابي
عم عراااااااااااااااااااااااااااااااااااااااااااااااابي
عم عرابي مات ومفضلش منه غير محطة مترو
يا خرابي يا عرابي
posted by anameen at
11:39 AM
4 Comments:
و قد تم القبض على المدعو أنا مين و بعد التحقيق معه تبين انه مختل عقليا يطالب بشرب الماء النظيف و منع التعذيب مفخرة المصريين و مجال تخصصهمفى العالم و يطالب ايضا بمعرفة ليه توشكى اسمها توشكى ...
و بعد الأفراج عنه شوهد المدعو أنا مين يسير فى الشارع مناديا على عم عرابى و جارى البحث و التقصى للقبض على عم عرابى زعيم التنظيم
المهم يا بدوي امانة عليك ما تنسانيش وانا قي المعتقل وكمان تخلي بالك من الواد حركش وتحميه كل يوم وتاكله بايدك
هو عرابى مات ؟؟؟؟
الله يرحمه
/*kind girl*/
على فكرة المصرى ايوم السنة اللى فاتت كانت فيها مقال عن الموضوع دةوانا كنت ناوية اعمل لة بوست بس مش خسارة فيك احفاد عرابى او احفاد احفادة اللى موجودين حاليا يا باشا اربعة خد عندك: واحد بياع فول وطعمية والتانى ترزى والتالت سواق تاكسى والرابع رجلية حفيت على كل المصالح الحكومية عشان يرضوا يعينوة فراش مش راضيين الكلام دة بجد ومنشور فى المصرى اليوم واعتقد فعلا عرابى هوة اللى واقف يلطم ويقول يا خرابى يا عرابى عاللى اتعمل فى احفادك وتقدير الشعب لهم ولتاريخك واسمك وتحيا مصر يا عم
Post a Comment
Subscribe to Post Comments [Atom]
<< Home