أي كلام

مترو

2009-04-07T06:41:00.000-07:00

النهاردة احنا مش هنتكلم عن مترو عبدالعزيز فهمي ولا مترو النزهة احنا هنتكلم عن مترو مجدي الشافعي بس الفرق البسيط ان مترو مجدي الشافعي هو مترو علي الورق فقط ولكن يبدو ان تاثيرة اكبر من اي مترو تاني في مصر لانه اذا كان المترو العادي بينقل الناس فمترو مجدي الشافعي بينقل افكار بسيطة في شكلها عميقة في مضمونهاوهو دة اللي الحكومة بتخاف منه الذفت اللي اسمه " المضمون " المشكلة اني اول ماعرفت مشكلة رواية مترو قولت اكيد دي رواية لواحد من انصاف المثقفين اللي عايز يعمل لنفسه فرقعة وضجة ويطلع في الاخر شهيد الكلمة الحرة والكلام اللي علي نفس الشاكلة وعلشان كدة قولت لنفسي " يا واد طنش خااالص " لحد ما في يوم وبدون اي مقدمات قررت اعرف ايه حكاية الروياة دي ؟ ودة طبعا بعد ما كنت هطق من كتر الرسايل اللي جاتلي عالفيسبوك للتضامن مع الرواية وصاحبها اللي اتحدد جلسة لقضيته يوم 4 ابريل في محكمة عابدين وبالفعل بدات ادور في الموضوع وحسيت ان الموضوع بجد وان العملية مش مجرد عملية اثارة ضجة وخلاص وقررت اني ابعت رسالة لكل اصدقائي للتضامن مع مجدي الشافعي كاتب الرواية , المهم انه في نفس اليوم بالليل كنت قاعد في وسط البلد ولقيت اتنين جايين يقعدوا معانا ولقيت بسام بهجت صديقي بيقولي مجدي الشافعي صاحب رواية مترو اللي انت بعتلي رسالة عليها الصبح المهم اني قعدت اتناقش معاه في الموضوع واكتشفت انه انسان بسيط جدا ومثقف حقيقي مش مدعي زي ناس تانية هذا الي جانب انه واقعي وصادق مع نفسه ودة انا حسيته لما لقيته بيقولي ان الرواية عادية جدا ولا تستحق كل هذه الضجة بس هما بغبائهم اللي عملوا الضجة دي لما رفعوا القضية وصادروا الرواية وكمان ابدي سعادتة من مساندة الناس ليه حتي لو كانوا قليليين وابدي حزنة الشديد من التعليقات اللي كانت مكتوبة في جريدة الدستور عن الموضوع , بجد انا كنت سعيد جدا اني اتعرفت عليه وقررت اني هتابع قضيته ووهروح معاه المحكمة لمساندته في الجلسات القادمة لانه انسان مثقف ومحترم والاهم من ده انه صادق مع نفسه قبل ان يكون صادق مع الاخرين
اتمني ان الناس كلها تسانده في قضيته لانها مش مجرد قضية شخص وانما هي بجد قضية ضد حرية الراي والتعبير في مصر وانا شايف انه انتصارنا فيها اهم من انتصارات وهمية تانية ممكن نكون بنحارب علشان نحققها

الوداع يا بلوج سبوت

2007-11-30T09:44:00.000-08:00

السادة والسيدات قراء مدونة اى كلام ( او حتي اي حد هيتكعبل فيها وهو علي النت ) نود ان نحيطكم علما ان مدونتنا المصونة هتعزل من بلوج سبوت وستذهب الي مكانها الجديد الكائن في دوت اورج خلاص بقي عدينا المانش وقررنا ان نواصل رحلتنا التدوينية في موقعنا الجديد وسيبقي اسم المدونة كما هو ودة اللينك الجديد تعالوا زورونا
http://aykalaam.org/

شهادة وفاة نظام

2007-11-13T09:29:00.000-08:00

قد يختلف الكثيرون حول ما وصل اليه النظام الحاكم من انهيار وضعف فالبعض يعتقد ان النظام يلفظ انفاسةالاخيرة وانه قاب قوسين او ادني من السقوط والبعض الاخر يعتقد ان النظام لايزال يحكم بقبضة من حديد وانه لايزال امامة بعض الوقت لكي يسقط في ظل وجود معارضة غير مؤثرة في الشارع وتعددت الشواهد التي يستشهد بها الجانبين فالبعض يستشهد بانتفاضة عمال غزل المحلة والتي بالفعل استطاع فيها العمال ان يحققوا ما ارادوا وان يحرجوا النظام ويضعوة في مازق حقيقي والبعض الاخر يستشهد بقدرة النظام وقوته في تزوير الانتخابات وفي قمع التظاهرات والسيطرة الامنية الكاملة علي جميع مؤسسات الدولة بداية من المصالح الحكومية وانتهاء بالجامعة , ولكني اعتقد ان النظام قد كتب شهادة وفاته بنفسة فعليا ولعل اكبر دليل علي ذلك هم هؤلاء الشباب الذين يفضلون الذهاب الي اسرائيل او الموت غرقا في البحر علي البقاء في ظل هذا النظام الفاسد الذي جعل من الوطن سجنا كبيرا لابنائه ولك حرية الاختيار ام ان تبقي سجينا او تبقي سجاناولا اعلم في الحقيقة حتي الان بلدا مثل بلدنا يسافر ابنائها بطريقة غير شرعية الي اوربا ويدفعون ما يقرب من 30000 لكي يهاجروا علي ظهر مركب لا يقوي علي السير حتي في الترع وهم يعلمون ذلك جيدا وليس هذا فقط ما يدعو للغرابة ولكن المدهش والمبكي في نفس الوقت ان يقوم هؤلاء الشباب بتمزيق جوازات السفر المصرية ومحو كل ما يثبت هويتهم كمصريين بل ان الامر قد وصل الي خلع الملابس الداخلية والتي بطبع مكتوب عليها صنع في مصر حتي لا يتعرف عليهم رجال الشرطة ويقومون بترحيلهم الي مصر مرة اخري الي هذا الحد وصل الامر بشباب هذا البلد والذي كفر بوطنه وبقدرته علي العيش علي ارضه بل ومستعد ان يضحي بحياته في سبيل الهروب من هذا السجن الكبير وفي الحقيقة ان الامر برمته يبدو وكانه فيلم تراجيدي او مسرحية هزلية البطل فيها هو ذلك النظام الذي فقد وعيه وادراكه ووضع نفسه في مكانة الالهة والتي هي بالطبع مهما حدث لم ولن تخطيء ولن تموت ولن تنتهي مهما حدث فهي خالدة خلود الاهرامات وابوالهول ولكنهم في الحقيقة قد ماتوا بالفعل فليس الموتي هم من غرقوا في عبارة السلام 98 او في قوارب الهجرة الي ايطاليا ولكن الموتي الحقيقيون هم من ماتت ضمائرهم وحولوا هذا الوطن الي سجن كبير البعض يبحث سبل الهروب منه

الملك فاروق جاني ام مجني عليه ؟؟؟؟

2007-10-17T15:49:00.000-07:00

السؤال دة بقي بيطرح نفسة بقوة في الفترة الاخيرة وخصوصا بعد اذاعة مسلسل الملك فاروق لانه بجد المسلسل بالرغم من انه كان بيذاع علي قناة فضائية لكن حقق نسبة مشاهدة كبيرة وعمل تاثير كبير في الشارع المصري والمسلسل بيخليني اطرح تساؤل حول الفترة التاريخية اللي كان موجود فيها الملك فاروق وهل فعلا الفترة دي كان فيها ديمقراطية وسياسة بجد ولا كانت العهد الغابر زي ما قالوا بعد الثورة وفي الحقيقة ان المسلسل وضع ناس كتير امام مقارنة ما بين مصر الملكية ومصر الجمهورية وفي الحقيقة انا شايف انها مقارنة مش موضوعية لان في عهد عبدالناصر شطبوا التاريخ اللي قبلهم بجرة قلم وقرروا انهم يبداوا التاريخ من حيث بداوا وعلشان كدة احنا مفيش تحت ايدنا حاجة نقدر نحكم بيها علي الملك فاروق لان حتي الاعمال السينمائية اللي اتعملت قبل كدة كانت بتجيب الملك اللي لابس نضارة سودا وكرشة مترين وبتاع نسوان وبردة لم يقدموا حاجة واضحة وواقعية سواء عن ايجابياته او سلبياته والغريب ان حتي عهد عبدالناصر فيه حاجات كتيرة لسة ما نعرفش عنها حاجة وتبدو غامضة لدرجة ان حتي الظباط الاحرار نفسهم اختلفوا حول التأريخ للفترة دي وعلشان كدة انا شايف ان الملك فاروق مكنشي شيطان زي ما هما كانوا بيقولوا وعبد الناصر بردة مكنشي ملاك زي ما بيدعوا وعلشان كدة انا اعتقد اننا في حاجة ماسة لاعادة قراءة التاريخ لان مشكلة كل تجربة انه مابيحصلشي نقد ذاتي من اصحابها ليه ودى اكبر مصيبة وعلشان كدة لما تشوف اليساريين النهاردة تحس انهم زي ما هما من السبعينات حتي القهاوي اللي بيقعدوا عليها ما اتغيرتش نفس الاسلوب نفس الفكر نفس الاخطاء ودة مش لليسار بس دة بردة لكل التيارات التانية وعلشان كدة احنا لسة واقفين مكانا وما اتحركناش ولا خطوة واحدة للامام , انا بجد حبيت مسلسل الملك فاروق جدا كعمل فني محترم واتمني انه ييجي اليوم اللي فعلا نبقي قادرين نعرف تاريخ بلدنا الحقيقي بعيدا عن عبث الحكام

رمضان كريم

2007-09-22T18:11:00.000-07:00

كل سنة وانتم طيبين ويارب بقي الناس تصوم وما تعملش زي كل السنة رمضان بالنسبة لي السنة دي متغير شوية لان دى اول مرة اقضي رمضان بعد تخرجي من الجامعة عقبالكم كلكم وانتظروا بوست رمضاني قريبا

مهرجان القلعة للموسيقي والغناء

2007-08-10T12:46:00.000-07:00

بدا مهرجان القلعة للموسيقى والغناء اليوم بالقاهرة

تبدأ مساء السبت بمسرح سارية الجبل بقلعة صلاح الدين فعاليات الدورة الرابعة عشرة لمهرجان القلعة للموسيقى والغناء الذي تقيمه دار الاوبرا المصرية في الفترة من العاشر من اغسطس وحتى الحادي والعشرين من الشهر.

يقدم المهرجان هذا العام 58 حفلا مجانيا بالقلعة اضافة الى 11 حفلا بأسعار رمزية على المسرح المكشوف بدار الاوبرا المصرية.

وقد دعت دار الاوبرا مجموعة من الفنانين العرب للمشاركة في الحفلات من بينهم عازف الجيتار العراقي الهام المدفعي وعازف العود العراقي نصير شمة وعازف البزق السوري يعرب جميل والعازفة الفلسطينية عبير منصور.

كما يشارك في المهرجان مجموعة من الموسيقيين المصريين بينهم هاني شنودة وعطية شرارة ويحيى غنام وفتحي سلامة ومجدي الحسيني الى جانب المطربين الشبان كرم مراد واحمد الطويلة ووائل سامي ومطرب فرقة الموسيقى العربية محسن فاروق.

يكرم المهرجان ستة فنانين من فناني دار الاوبرا هم مخرج عروض الباليه والاوبرا عبد المنعم كامل والمطربة ايمان مصطفى وعازفة الة الماريمبا نسمة عبد العزيز وعازف الة التشيلو زين الأشقر والعازفة عواطف الشرقاوي ومهندس الديكور عبد الله العويطي.

والدعوة مجانية للجميع اتمنى ان تستمتعوا باوقاتكم

كل سنة واحنا مدونين يا حرنكش

2007-07-29T17:21:00.000-07:00

علي فكرة يا جماعة النهاردة 30/7/2007 يبقي عدي علينا سنة بالتمام والكمال عليا انا والواد حرنكش كمدونين وعلي فكرة انا وحرنكش اصدقاءجامدين جدا وانشاء الله كل سنة علاقتنا تبقي اقوي و احسن من السنة اللي قبلهامع مرور سنة علي مدونتنا الحمد لله دلوقتي انا اتخرجت وبقيت مهندس وحرنكش حقق جزء من احلامه في مجال السينما واخرج اولي افلامه الديجيتال وبالرغم من اني في فترة من الفترات كنت محبط من موضوع التدوين الااني بالفعل بقي ليا ذكريات جميلة مع التدوين والمدونين زي الواد محمد عادل ( ميت ) ومحمد الطاهر ( مواطن مصري واخد علي قفاه ) عمر الهادي ( اسد )واحمد بدوي ( بدوي الرابع عشر )ورامي ( أيوب ) وجيمي هوود ومحمد فؤاد وتويو وكمان كايند جرل اللي علي طول بستني تعليقاتها علي المواضيع اللي بكتبها ومكسوفة هانم طبعا اللي كانت علي طول بتعلق علي بوستاتي علي انها بتاعة حرنكش وكمان نادين ( ساتيا جراها ) اللي بعتبرها اختي الصغيرة وربنا يوفقها وتنجح ودلوقتي بقي اسيبكم مع اول بوست كتبناه في المدونة وكان حرنكش اللي كاتبة بجد وانا بكتب البوست دة حاسس اننا زي ما نكون فعلا لسة عاملين المدونة دلوقتي ويارب السنة الجاية تكون سنة سعيدة علي المدونين كلهم

" أخيرا بقينا مدونين "

ياااااه
واللهي ماعارف اقول اايه
الموضوع كان ضحك وهزار وتهييس
انا كنت قاعد مره في نقابة الصحفيين
وروحت قايل كلمه كده مش عارف ايه اللي خلاني اقولها
قولت لاتنين اصحابي ايه رايكم ..ماتيجو نعمل مدونه
عادي يقي
لقيتهم بيقولو قشطه وبييس ..ومعاك في الحوار
خلاص ياجدعان كلام رجاله
اه كلام رجاله ياحرنكش
طيب انا هكريت النهارده ..وأبعتلكو النفيتيشن
الكلام ده حصل من حوالي شهر خمستاشر يوم ..مش فاكر
لاني من بعد ماكريت وبعت الانفيتيشن ...محدش عبرني من اللي كانو معليين حسهم اوي وهمه بيقولو كلام رجاله
لكن النهارده 30/7/2006
حصلت المعجزة الكبري
ولقيت رساله عالميل بتقولي ان فيه واحد من الاتنين قبل النفيتيشن
لولولولولولولولولوي
عقبال عندكو ياعيال
وبدخل عالبتاع لقيته كمان عامل بوست
عقبال التاني يارب
عارفين كمان اللي عمل البوست كنت عمال اقوله مين اللي هيعملنا الديزين
يقولي عيب عليك
اقوله يعني انته
يقولي ياراجل هتجيب ديزينر وانا موجود
وطبعا زي ماحضراتكو شايفين
الديزاين اللي عاملينه متميز جدا
ومن رابع البتنجالات انك تلاقيه عند اي مدون
ماشي ياجدعان
منجلكوش في مدونه واقعه

عملوووووووووووووووووووووووها الوحوش

2007-07-26T23:23:00.000-07:00

اخيرا وبعد عذاب وصراع مع التعليم العالي ( قال عالي قال ؟؟!!) لستة
اعوام من الكفاح والنضال المتواصل استطعنا بتوفيق من الله وبدعوات السبعين
مليون مصري ان نجتاز هذه المرحلة الخطيرة من عمر الوطن ونبدا صفحة جديدة
من صفحات الكفاح والنضال في ساحة اخري

من الاخر يعني انا عايز اقولكم اني نجحت وبقيت مهندس اد الدنيا واخدلي
بالك ؟؟؟ ايوة انت يللي بتبص هناك الكلام ليك انت هتستهبل ولا ايه ؟؟؟
وياريت بقي كل واحد يخلي عنده دم ويقولي بعد كدة يا بشمهندس هو اينعم
احنا البساط بينا احمدي لكن بردة لا يصح الا الصحيح وبعدين يا جماعة دة لقب
بعد جهد وصراع وكفاح ممكن اكتبلكم فيه كتب ومجلدات وعقبال يارب الباقيين
وفي النهاية نداء الي كل شاب وكل فتاة لو كنت علمي رياضة والتنسيق دخلك كلية هندسة لازم علي طول وفي الحال تحول الي كلية البوسطة جامعة طنطا لانها بالتاكيد ليها مستقبل اكتر من الهندسة
وفي النهاية بحب اوجه الشكر لعم شحاتة الساعي اللي كان بيجيبلي النتيجة كل سنة وعم عبد العزيز اللي كان بيعطل الدكاترة علشان نمشي بسرعة وما نقعدش المحاضرة كلها وعلي فكرة انا بعتبر الاتنين دول الابطال الحقيقيين في الكلية

يا خرابي يا عرابي

2007-07-10T11:39:00.000-07:00

عاجبك كدة يا عم عرابي اللي بيحصلنا ؟؟؟؟؟

بذمتك ودينك يا شيخ فيه حد كان بيتعمل فيه كدة حتي ايام الاحتلال

طيب انت علي الاقل انت عرفت تجيب حصان ولابس بدلة بنت ناس

دلوقتي الناس مش لاقية تشرب ميه

وماتزعلش ان الخواجة ديليسيبس ضحك عليك في موضوع القنال

احنا بردة عندنا خواجات ضحكوا علينا في مشروع توشكي

تصدق يا عم عرابي والله لحد دلوقتي ما اعرف ليه سموها توشكي ؟؟؟

الا قولي صحيح انت تعرف ولا لا ؟

زمان علي ايامك البلد كانت بتصدر القمح

دلوقتي بقينا بنصدر القمع والتعذيب وفيه فائض كمان

حتي الانجليز طلعوا جدعان معاك ونفوك برة البلد

لكن دلوقتي انت ممكن تتكهرب وتتقلع ولا مؤاخذة ومراتك تتبهدل

الانجليز يا عم عرابي طلعوا بعد 82 سنة

تفتكر الناس اللي محتلة البلد دلوقتي هتطلع بعد كام سنة ؟؟

يا عم عرابي رد عليا وما تنفضش

عم عرابي .....عم عرابي

عم عراااااااااااااااااااااااااااااااااااااااااااااااابي

عم عرابي مات ومفضلش منه غير محطة مترو

يا خرابي يا عرابي

الي الامام يا حرنكش

2007-06-29T02:14:00.000-07:00

height="250">

اخيرا وبعد طول انتظار شاهدت تنهيدة صديقي حرنكش الفنية والتي كانت بالنسبة لي مفاجاة سارة لان كل من تابع هذا العمل اثناء

تصويره والتجهيز له من صعوبات ومعوقات كانت كفيلة باجهاض هذا العمل الا ان ايمان محمود صابر بما يفعل وقدرته علي تفادي مثل هذه الصعوبات تؤكد اننا في انتظار ميلاد نجم جديد ولعل الشيء الجدير بالذكر ايضا هو ذلك التناغم بين محمود صابر وسمير عشرة فكلاهما قد ساهم في عمل الاخر في اشارة جيدة الي روح الفريق الواحد والتي اعتقد انها كانت موجودة بالنسبة كبيرة بين الاثنين وبالطبع لن ننسي ان نتحدث عن يوتوبيا والذي يجسد ببساطة شديدة ما قد يحدث يوميا في وسائل المواصلات وايضا فيلم سراب والذي اعتقد ان فكرته كانت جيدة ولكنها لم تصل للمشاهدين كاملة وبالطبع كبداية للاثنين فانا اعتقد انها بداية جيدة علي طريق الالف ميل وارجو منهم ان يبداوا في استثمار هذه الافلام وعرضها في المراكز الثقافية وان يبداوا التفكير ايضا في افلامهم المقبلة حتي لايجدوا انفسهم فجاة يتحدثون علي اطلال افلامهم السابقة

بالتوفيق يا حرنكش
بالتوفيق يا سمير

في انتظار اعمالكم القادمة

محمد عيد

الام المسيري وافراح مس ايجيبت

2007-05-27T10:56:00.000-07:00

قد يبدو عنوان الموضوع غريبا للقاريء فليس هناك اية علاقة بين الدكتور المفكر الكبير عبد الوهاب المسيري وملكة جمال مصر ولكنها سخرية القدر التي تصنع من بعض المشاهد الحزينة شيئا من السخرية علي ما نحياه اليوم فالدكتور المسيري يعاني من مرض سرطان الدم ويواجه مشكلة في تدبير نفقات علاجه الباهظة وللاسف رغم قيمة هذا الرجل كمفكر وكاتب كبير الا انه يعاني من تجاهل تام وواضح من الدولة وحتي الامير فهد بن عبد العزيز والذي تفضل مشكورا بالتكفل بمصاريف العلاج في فنرة مرضه الاولي لم يتحرك حتي الان لكي يكمل جميله الذي بداه مع المفكر الكبير من قبل ولكن ما اذهلني هي تلك الحلقة من برنامج الحقيقة والذي يقدمه الصحفي وائل الابراشي علي قناة دريم عن مسابقة ملكة جمال مصر وما يحدث بها من تجاوزات اخلاقية ولم اصدق اذني عندما اعلن احد اولياء امور البنات المتسابقات انه صرف علي بنته اكتر من 30000 الف جنيه لكي يعد ابنته للمسابقة ويقول بمنتهي السذاجة " بنتي قالتلي يابا انا عايزة ابقي ملكة فقلتلها خلاص يابنتي ابقي ملكة " منتهي البساطة اللي في الدنيا بنت لم تتعدي العشرين من العمر تطلب من ابوها ان تتقدم لمسابقة اقل مبلغ يمكن ان تصرفه فيها 50000 جنيه وبمنتهي البساطة وافق والد البنت وكانه وافق علي ان يشتري لها بنبوني او بسكلتة ومع العلم انه في حالة فوزها سيكون مصيرها الطبيعي الفيديو كليبات او موديل اعلانات او ممثلة علي اقصي تقدير بينما يرقد المفكر الكبير الذي امضي سنينا لكي يخرج الينا موسوعة الصهيونية لا يجد من يقدم اليه يد العون في محنته وصراعه مع هذا المرض اللعين هكذا اصبحنا نعيش المفكرين والادباء والمثقفين بالكاد يحصلوا علي ما يكفيهم اما الفنانين يصدر قرار العلاج علي نفقة الدولة في دقائق ولاعبين الكرة مع اقل اصابة يسافرون الي المانيا للعلاج مع العلم ان الغالبية العظمي منهم من حملة المؤهلات المتوسطة ويملكون ملايين الجنيهات ولكن هذا هو للاسف وضعنا الذي اصبحنا نعيشه لك الله يا دكتور عبد الوهاب واتمني من الله ان تعود الينا سالما لاننا في احتياج لامثالك من شرفاء الوطن .

عبد الرحمن الكواكبي

2007-04-26T15:27:00.000-07:00

كتاب (طبائع الإستبداد ومصارع الإستعباد) الذي ألفه الشيخ عبد الرحمن الكواكبي (1849-1902) وتناول فيه أسباب الإستبداد السياسي وأعراضه. عرّف الكواكبي الإستبداد بأنه "صفة للحكومة المطلقة العنان فعلاً أو حكماً التي تتصرف في شؤون الرعية كما تشاء بلا خشية حساب و لا عقاب محققين ". ويميز بين الإستبداد الغربي والشرقي فيقول "الإستبداد الغربي يكون أحكم وأرسخ وأشد وطأة ولكن مع اللين. والشرقي يكون مقلقاً سريع الزوال ولكنه يكون مزعجاً. كما أن الإستبداد الغربي إذا زال تبدل بحكومة عادلة تقيم ما ساعدت الظروف أن تقيم. أما الشرقي فيزول ويخلفه استبداد شر منه". فالكواكبي معجب إلى حد ما بالنموذج السياسي الغربي لأنه ليس خشناً مثل الاستبداد الشرقي، ولأنه يقيم حكومة عادلة . وطالب الكواكبي بإزالة الإستبداد الشرقي انطلاقاً من العقيدة الإسلامية نفسها، ومن الواقع السياسي الذي كان يعيشه في ظل الدولة العثمانية ،ومن استنتاجاته التي يرى فيها أن الأمم المتقدمة لم تصل إلى ما وصلت إليه إلا بعد التخلص من الإستبداد. فهو يرفضه على صعيدي العقل والدين معاً.
وتكون الحكومة مستبدة حين تصبح مطلقة العنان‏,‏ تتصرف في شئون الرعية كما تشاء‏,‏ بغير مراعاة لأحد‏,‏ أو خشية من أحد‏.‏ وأشد مراتب هذا الاستبداد حكومة الفرد المطلق الذي يحكم بالوراثة بلا أصل من حق‏,‏ وبقوة البطش‏,‏ والسلطة الدينية‏.‏ وأعدي أعداء هذا الحاكم المستبد العلم والعلماء‏,‏ لأنهم يرتفعون عليه علما وفكرا‏.‏
والمسئولية الفعلية في نظر الكواكبي مسئولية مشتركة بين الحاكم المنتخب والرعية التي لا تعرف التفاوت فيما بينها في التملك والثروة‏,‏ وتتمتع بالتساوي بالوعي والعلم والمعارف والصنائع والآداب المدنية

أما تقديس الحكام‏,‏ واعتبار كل رقابة شعبية للسلطة أو كل معارضة لها ضربا من الخروج علي نظام الحكم يبرر الاجهاز عليه‏,‏ فهو في تقديره المفضي إلي الاستبداد‏,‏ علي نحو ما يفضي إليه جهل الهيئة الاجتماعية وتفرقها وعدم التعاون فيما بينها‏,‏ وغلبة نزعات النفس علي العقل‏,‏ وسيطرة المنفعة الخاصة‏,‏ وافتقاد الترابط بين الناس‏,‏ وغياب القيم الأخلاقية‏,‏ والحس المشترك‏.‏ ومقاومة الاستبداد لا يكون بالعنف ولكن بالحكمة واللين والتدريج‏,‏ وبمعرفة الغاية والطريق الموصلة اليها‏,‏ حتي إذا نجحت هذه المقاومة بفضل قوة الاستنارة العقلية‏,‏ أي بنور العلم والمعرفة والمطبوعات والأبحاث العلمية‏,‏ يجري عندئذ تدبير شئون الدولة علي أساس العدل بالشوري الدستورية‏,‏ وليس بمقتضي الهوي‏.‏

ومن هنا عد الكواكبي إصلاحيا لا ثوريا‏.‏ غير أنه أقرب الاصلاحيين إلي الثورة التي لا تتحقق إلا بالنضال‏,‏ وذلك بتنبيه العقول‏,‏ وتشديد العزائم‏.‏

وعبدالرحمن الكواكبي ضد التقليد وضد الإجماع‏,‏ لأنهما ليسا حكما علي أحد‏,‏ ولا هداية حقة في نظره غير هداية النفس لذاتها وتحكم العقل وحده‏,‏ لا هداية الغير‏.‏ وهو يفرق تفرقة قاطعة بين السياسة والدين‏,‏ قائلا بوضوح تام‏:‏ أن الأمم الحية لا تأخذ في الترقي إلا بعزل شئون الدين عن شئون الحياة‏.‏ ويؤمن بأن إدارة شئون الأمة وأحوالها تكون بالقوانين الطبيعية‏.‏ أما الأديان فتحكم الآخرة‏.‏

وأشد مراتب الاستبداد التي يتعوذ بها من الشيطان هي حكومة الفرد المطلق‏,‏ الوارث للعرش‏,‏ القائد للجيش‏,‏ الحائز علي سلطة دينية‏.‏ ولنا أن نقول كلما قل وصف من هذه الأوصاف خف الاستبداد إلي أن ينتهي بالحاكم المنتخب المؤقت المسؤول فعلا‏,‏ وكذلك يخف الاستبداد طبعا كلما قل عدد نفوس الرعية وقل الارتباط بالأملاك الثابتة وقل التفاوت في الثروة وكلما ترقي الشعب في المعارف‏.‏

ومن الأمور المقررة طبيعة وتاريخيا أنه ما من حكومة عادلة تأمن المسؤولية والمؤاخذة بسبب غفلة الأمة أو التمكن من إغفالها إلا وتسارع إلي التلبس بصفة الإستبداد‏,‏ وبعد أن تتمكن فيه لا تتركه وفي خدمتها إحدي الوسيلتين العظيمتين جهالة الأمة‏,‏ والجنود المنظمة‏.‏ وهما أكبر مصائب الأمم وأهم معاتب الإنسانية‏,‏ وقد تخلصت الأمم المتمدنة نوعا من الجهالة‏,‏ ولكن بليت بشدة الجندية الجبرية العمومية‏,‏ تلك الشدة التي جعلتها أشقي حياة من الأمم الجاهلة وألصق عارا بالإنسانية من أقبح أشكال الاستبداد‏,‏ حتي ربما يصح أن يقال إن مخترع هذه الجندية إذا كان هو الشيطان فقد انتقم من آدم في أولاده أعظم ما يمكنه أن ينتقم‏!‏ نعم إذا ما دامت هذه الجندية التي مضي عليها نحو قرنين إلي قرن آخر أيضا تنهك تجلد الأمم وتجعلها تسقط دفعة واحدة‏.‏ ومن يدري كم يتعجب رجال الاستقبال من ترقي العلوم في هذا العصر ترقيا مقرونا باشتداد هذه المصيبة التي لا تترك محلا لاستغراب إطاعة المصريين للفراعنة في بناء الأهرامات سخرة‏,‏ لأن تلك لا تتجاوز التعب وضياع الأوقات‏,‏ وأما الجندية فتفسد أخلاق الأمة حيث تعلمها الشراسة والطاعة العمياء والاتكال‏,‏ وتميت النشاط وفكرة الاستقلال‏,‏ وتكلف الأمة الإنفاق الذي لا يطاق وكل ذلك منصرف لتأييد الاستبداد المشؤوم‏:‏ استبداد الحكومات القائد لتلك القوة من جهة‏,‏ واستبداد الأمم بعضها علي بعض من جهة أخري‏.‏ولنرجع لأصل البحث فأقول‏:‏ لا يعهد في تاريخ الحكومات المدنية استمرار حكومة مسؤولة مدة أكثر من نصف قرن إلي غاية قرن ونصف‏,‏ وما شذ من ذلك سوي الحكومة الحاضرة في إنجلترا‏,‏ والسبب يقظة الإنجليز الذين لا يسكرهم انتصار‏,‏ ولا يحملهم انكسار‏,‏ فلا يغفلون لحظة عن مراقبة ملوكهم‏,‏ حتي إن الوزارة هي التي تنتخب للملك خدمه وحشمه فضلا عن الزوجة والصهر‏,‏ وملوك الإنجليز الذين فقدوا منذ قرون كل شيء ما عدا التاج‏,‏ لو تسني الآن لأحدهم الاستبداد لغنمه حالا ولكن هيهات أن يظفر بغرة من قومه يستلم فيها زمام الجيش‏.‏

ويعد الشيخ عبد الرحمن الكواكبي من اول المفكرين الذين دعوا الي الافكار الليبرالية والدولة المدنية

الطريق الي مصر الجديدة

2007-04-20T03:59:00.000-07:00

هكذا بدات المسيرة الي مصر الجديدة
ودي لوحة التحكم بتاعة قائد الرحلة

قطار الرحلة اخر نضافة

كل المقومات موجودة لقيادة حكيمة

الكهربا في رحلتنا كانت مقطوعة

بين قائد الرحلة والركاب

حتي الرؤية كانت غائبة تماما

عن قائد الرحلة

وللاسف يبدو ان قائد المسيرة فاكر

ان عجلة الزمن وقفت عنده ومش هتمشي

واكتشفنا اننا طول السنين دى ما اتحركناش خطوة واحدة

للامام ودة طبعا مش ذنب قائد الرحلة دي غلطة

عجلة الزمن اللي وقفت ومش عايزة تمشي

وللاسف عجلت الزمن وقفت بالفقراء فقط

اما الاغنياء بس هما اللي وصلوا لمصر الجديدة

علي فكرة اوعوا تفهموا كلامي غلط انا بتكلم علي

المترو وارجوا ان السيد وزير النقل يتدخل

لحل هذه المشكلة

من قال إن النفط أغلى من دمي؟ للشاعر فاروق جويدة في ذكري سقوط بغداد

2007-04-09T07:37:00.000-07:00

مادام يحكمنا الجنون‏..
سنرى كلاب الصيد تلتهم
الأجنة في البطون
سنرى حقول القمح ألغاماً
وضوء الصبح ناراً في العيون
سنرى الصغار على المشانق
في صلاة الفجر جهراً يصلبون
وحين يحكمنا الجنون
لا زهرة بيضاء تشرق
فوق أشلاء الغصون
لا فرحة في عين طفل
نام في صدر حنون
لا دين‏..‏ لا إيمان‏..‏ لا حق
ولا عرض مصون
وتهون أقدار الشعوب
وكل شيء قد يهون
مادام يحكمنا الجنون
‏*****
أطفال بغداد الحزينة يسألون
عن أي ذنب يقتلون
يترنحون على شظايا الجوع
يقتسمون خبز الموت‏..‏ ثم يودعون
شبح‏ "الهنود الحمر"‏ يظهر في صقيع بلادنا
ويصيح فينا الطامعون‏...
من كل صوب قادمون
من كل جنس يزحفون
تبدو شوارعنا بلون الدم
والكهان في خمر الندامة غارقون
تبدو قلوب الناس أشباحاً
ويغدو الحلم طيفا عاجزاً
بين المهانة‏..‏ والظنون
هذي كلاب الصيد
فوق رؤوسنا تعوي
ونحن إلى المهالك مسرعون‏..
‏*****
أطفال بغداد الحزينة
في الشوارع يصرخون
جيش التتار
يدق أبواب المدينة كالوباء
ويزحف الطاعون
أحفاد "هولاكو"
على جثث الصغار يزمجرون
جثث الهنود الحمر تطفو
فوق أعمدة الكنائس والثرى يغلي
صراخ الناس يقتحم السكون
أنهار دم فوق أجنحة الطيور الجارحات
مخالب سوداء تنفذ في العيون
مازال دجلة يذكر الأيام‏..
والماضي البعيد يطل من خلف القرون
عبر الغزاة هنا كثيرا‏ً..‏ ثم راحوا
أين راح العابرون؟‏!
هذي مدينتنا‏..‏ وكم باغ أتى
ذهب الجميع ونحن فيها صامدون
سيموت "هولاكو"
ويعود أطفال العراق
أمام دجلة يرقصون
لسنا الهنود الحمر
حتى تنصبوا فينا المشانق
في كل شبر من ثرى بغداد
نهر‏..‏ أو نخيل‏..‏ أو حدائق
وإذا أردتم سوف نجعلها بنادق
سنحارب الطاغوت فوق الأرض
بين الماء‏..‏ في صمت الخنادق
إنا كرهنا الموت لكن
في سبيل الله نشعلها حرائق
ستظل في كل العصور وإن كرهتم
أمة الإسلام من خير الخلائق
‏*****
أطفال بغداد الحزينة
يرفعون الآن رايات الغضب
بغداد في أيدي الجبابرة الكبار
تضيع منا‏..‏ تغتصب
أين العروبة‏..‏ والسيوف البيض
والخيل الضواري‏.. ‏والمآثر‏.. ‏والنسب؟
أين الشعوب وأين كهان العرب؟!
في معبد الطغيان يبتهل الجميع
ولا ترى غير العجب‏..
البعض منهم قد شجب
والبعض في خزي هرب
وهناك من خلع الثياب
لكل جواد وهب‏..
في ساحة الشيطان
نقرأ ‏"سورة‏" الدولار!
يسعى الناس أفواجاً
إلى مسرى الغنائم والذهب
والناس تسأل عن بقايا أمة تدعى"‏العرب"!‏
كانت تعيش من المحيط إلى الخليج
ولم يعد
في الكون شيء من مآثر أهلها
ولكل مأساة سبب
باعوا الخيول‏..
وقايضوا الفرسان في سوق الخطب
فليسقط التاريخ‏..‏ ولتحيا الخطب
أطفال بغداد الحزينة يصرخون
يأتي إلينا الموت في لبن الصغار
يأتي إلينا الموت في اللعب الصغيرة
في الحدائق‏..‏ في الأغاني
في المطاعم‏..‏ في الغبار
تتساقط الجدران فوق مواكب التاريخ
لا يبقى لنا منها‏..‏ جدار
عار على زمن الحضارة أي عار
من خلف آلاف الحدود
يطل صاروخ لقيط الوجه‏..
لم يعرف له أبداً مدار
ويصيح فينا‏:
أين أسلحة الدمار؟‏!
هل بعد موت الضحكة العذراء فينا
سوف يأتينا النهار؟
الطائرات تسد عين الشمس
والأحلام في دمنا انتحار
فبأي حق تهدمون بيوتنا
وبأي قانون
تدمر ألف مئذنة‏..‏ وتنفث سيل نار
تمضي بنا الأيام في بغداد
من جوع‏..‏ إلى جوع
ومن ظمأ‏..‏ إلى ظمأ
ووجه الكون جوع‏..‏ أو حصار
يا سيد البيت الكبير
في وجهك الكذاب
تخفي ألف وجه مستعار
نحن البداية في الرواية‏..
ثم يرتفع الستار
هذي المهازل لن تكون نهاية المشوار
هل صار تجويع الشعوب
وسام عز وافتخار؟‏!
هل صار قتل الناس في الصلوات
ملهاة الكبار؟‏!
هل صار قتل الأبرياء
شعار مجد‏ وانتصار؟!
أم أن حق الناس في أيامكم
نهب‏..‏ وذل‏..‏ وانكسار
الموت يسكن كل شيء حولنا
ويطارد الأطفال من دار‏.. ‏لدار
مازلت تسأل‏:
أين أسلحة الدمار؟!
‏*****
أطفال بغداد الحزينة
في المدارس يلعبون
كرة هنا‏..‏ كرة هناك
طفل هنا‏..‏ طفل هناك
قلم هنا‏..‏ قلم هناك
لغم هنا‏...‏ موت‏..‏ هلاك
بين الشظايا
زهرة الصبار تبكي
والصغار على الملاعب يسقطون
بالأمس كانوا
كالحمائم في الفضاء يحلقون
‏*****
في الكوفة الغراء
عطر من عبير المصطفى
فجر أضاء الكون يوماً
لا استكان ولا غفا
يا آل بيت محمد‏..
كم حن قلبي للحسين‏.. ‏وكم هفا
غابت شموس الحق والعدل اختفى
مهما وفى الشرفاء في أيامنا
زمن‏"‏النذالة‏" ما وفى..‏
مهما صفا العقلاء في أوطاننا
بئر الخيانة ما صفا..
بغداد يا بلد الرشيد
يا قلعة التاريخ والزمن المجيد
بين ارتحال الليل
والصبح المجنح لحظتان
موت‏..‏ وعيد
ما بين أشلاء الشهيد
يهتز عرش الكون في صوت الوليد
ما بين ليل قد رحل
ينساب صبح بالأمل
لا تجزعي بلد الرشيد
لكل طاغية‏..‏ أجل
‏*****
طفل صغير‏..
ذاب عشقاً في العراق
كراسة بيضاء يحضنها
وبعض الفل‏..‏ بعض الشعر والأوراق
حصالة فيها قروش
من بقايا العيد‏..‏ دمع جامد
يخفيه في الأحداق
عن صورة الأب الذي
قد غاب يوما‏ً..‏ لم يعد
وانساب مثل الضوء في الأعماق
يتعانق الطفل الصغير مع التراب
يطول بينهما العناق
خيط من الدم الغزير
يسيل من فمه
يذوب الصوت في دمه المراق
تخبو الملامح‏..‏ كل شيء في الوجود
يصيح في ألم‏:‏ فراق
والطفل يهمس في أسى‏:
أشتاق يا بغداد تمرك في فمي
من قال إن النفط أغلى من دمي؟‏!
بغداد لا تتألمي
مهما تعالت صيحة البهتان
في الزمن العمي
فهناك في الأفق البعيد صهيل فجر قادم
في الأفق يبدو سرب أحلام
يعانق أنجمي
مهما تواري الحلم عن عينيك
قومي‏..‏ واحلمي
ولتنثري في ماء دجلة أعظمي
فالصبح سوف يطل يوماً
في مواكب مأتمي
الله أكبر من جنون الموت
والزمن البغيض الظالم
بغداد لا تستسلمي
بغداد لا تستسلمي
من قال إن النفط أغلي من دمي؟!‏

ربما .....!!!!!!!!!! لاحمد مطر

2007-04-04T03:53:00.000-07:00

ربما الزاني يتوب

ربما الماء يروب

ربما يحمل زيت في الثقوب

ربما شمس الضحي

تشرق من صوب الغروب

ربما يبرا ابليس من الذنب

فيعفو عنه غفار الذنوب

انما لايبرأ الحكام

في كل بلاد العرب

من ذنب الشعوب

اهداء الي القمة العربية

مدام ( ام ترتر )......!!!!!!!!وحشتينا

2007-03-02T13:43:00.000-08:00

لحد الان انا مش عارف ايه حكاية مدام ام ترتر وظهرت في حياتنا ازاى لكن مما لاشك فية ان ليها دور كبير في حواراتنا ورغم اننا كتير بنقول في كلامنا " دة عند ام ترتر " واللي ما غيرهاش غير محمد سعد لما قال في فيلم اللي بالي بالك" دة عند امه يا ادهم " لكن محدش فكر يسال نفسة مين هي ام ترتر وعندها دة يبقي فين طب ولية مش ينقول عند ابو ترتر واشمعني الاستاذ ترتر بالذات الغريبة ان السؤال دة لما سالتة لنفسي في لحظة تجلي لقيت نفي ادام حاجات كتيرة بنقولها ومش عارفين اصلها ومش عارفين احنا بنقولها لية او ايه اصلها ؟؟؟!!!! وهل دة عبط مننا وهبل اننا نقول كلام ما نعرفش احنا بنقولة لية ولا يا تري دي سطحية مننا وتفاهة نسال اسالة زي كدة علي العموم انا دماغي من فترة وهي بتهيس ومش عارف بتحدف كدة في حتت غريبة وبتسال اسالة اغرب ومش عارف دة ايه سببه لكن المهم اننا قعدت فترة اتخيل في مدام ام ترتر شكلها ولبسها وياتري ساكنة فين وكمان قعدت اتخيل في الاستاذ ترتر ابنها وهل يا تري هو متعلم ولا بلطجي رومانسي ولا قاهر قلوب العذاري لدرجة اني قعدت فترة وانا بلف في الشارع ادور في وشوش الستات عن ام ترتر او ارمي وداني يمكن اسمع ام ترتر بتنادي علي ابنها ترتر وتقولة " تعالي هنا يا واد يا ترتر يابن الكلب " لكن للاسف تعبي راح علي الفاضي ولم اعثر علي مدام ام ترتر وعالعموم انا نفسي كل واحد يسال عن موضوع مدام ام ترتر واتمني انه يلاقي اجابة ولا يسعنا في النهاية الا ان نقول لمدام ام ترتر وحشتينا بقالي سنين بسمع اسمك ونفسي اشوفك الحكومة من يوم ما اتولدت بنقولنا الديمقراطية دي عند ام ترتر والرئيس بيقولنا هتشوفة غيري عند ام ترتر والمعارضة معندهاش غير سيرتك يا مدام ام ترتر وعلشان كدة انا نفسي اشوفك يمكن اعرف منك ايه اللي بيحصل في البلد ومخلي اجابة كل حاجة عندك انتي بس يا مدام ام ترتر مع اني عارف انه عند ام ترتر اني الاقيكي في يوم من الايام

الصورة رسم تخيلي لمدام ام ترتر وهي في عز شبابها

1033

2007-02-26T14:26:00.000-08:00

هذا الرقم ليس مجرد رقما عاديا ولكنه رقم سوف يتذكرة الاف المصريين البسطاء لعقود قادمة فهذا الرقم هو عدد ضحايا العبارة السلام 98 والذي يمر علي احداثها عام ولم يتم محاسبة الجناة الحقيقيين حتي الان وبالطبع لن يتم محاسبتهم وعلي العموم هذه الكلمات للتذكرة فقط بعد ان اصبح الموضوع عند الكثيرين في طي النسيان واحب ان اقول لاهالي الضحايا ان ابنائكم واقاربكم لم يموتوا ولا يزالوا يعيشون في قلوبنا ولن ننساهم ولكن الموتي الحقيقيين هم الذين ماتت ضمائرهم وسكتوا عن هذه الجريمة وحسبي الله ونعم الوكيل فيهم

مين فلانتينو ده ؟ .. وليه عيد للحب ؟

2007-02-13T01:33:00.000-08:00

يروي ان في القديم وعندما كانت بريطانيا مملكة لا تغيب عنها الشمس

أشتكي جنود الجيش من إشتياقهم لزوجاتهم في وقت الحروب

وعندما وصل الامر الي الملكة أصدرت فرمانها بعدم الزواج للرجال دون الواحد وثلاثين عاما

ولتنفيذ هذا القرار – ذهب نصه الي كل القديسين في المملكة ونص علي ان القديس الذي سيزوج رجل دون الحادية والثلاثين يعرض نفسه للعقوبة التي تصل الي الإعدام

ونفذ كل القديسين الامر عدا قديس واحد وهو القديس فلانتينو او سانت فلانتين

وكانت حجته انه لا يستطيع ان يفرق بين قلبين جمع بينهم الحب

وبذلك اصبح هو القديس الوحيد في المملكة الذي يعقد قران المحبين حتي ولو كان الرجل دون الحادية والثلاثين

وكان يأتي له المحبين من مشارق المملكة ومن مغربها ليجمع بينهم بعقد القران

وعندما زاد سيط هذا القديس ووصل أمره الي الملكة أمرت جنودها بإحضاره علي الفور وقد كان

وصدر عليه حكماً بالاعدام لمخالفة أمر الملكة

وفي يوم تنفيذ الحكم دخل عليه الجنود في زنزانته ليذهبوا به الي مكان تنفيذ الحكم

ولكن ......

وجدوه ميتا علي ظهره واضع كفيه علي بطنه وبين صوابعه وردة حمراء

وهكذا أستشهد القديس فلانتينو في سبيل ال ....

وكانت وفاته في الرابع عشر من فبراير

وأصبح هذا اليوم عيدا للحب

----------------

كل سنه وانتو طيبين واللي جاتلوا هدية يحمد ربنا ويقول يارب السنه اللي جاية تجيلي هديه تانية من نفس الشخص

واللي مجاتلوش مايزعلش ولازم يتأكد ان الانسان اللي المفروض يجبلوا هدية موجود ومستنيه هو كمان وان شاء الله هتتقابلوا وقريب اوي

الشعب المحتاس وقناة الناس

2007-02-05T16:26:00.000-08:00

لو فتحت اى جورنال في اي يوم هتلاقي الكلام نفس الكلام في نفس الجرايد من نفس الاشخاص وفي نفس الموضوعات كمان مفيش جديد موضوع بيختفي ويظهر مكانه موضوع تاني وكأن الحكايه مترتبة والشعب يا حول الله عامل زي الطور اللي بيلف في الساقية مش عارف يسمع لمين او يصدق مين 100 جورنال معارضة و200 جورنال حكومة والاتنين نازلين طحن في بعض الحكومة بتقول علي المعارضة انهم عملاء والمعارضة بتقول علي الحكومة انهم فاسدين وانهم اسوء من الاسرائيليين وان استمرارهم في الحكم كارثة وطبعا كل واحد عنده من الادلة والبراهين والمستندات ما يثبت صحة كلامه وياكده يعني مثلا عندك الصحفي بتاع روزاليوسف المدعو عبد الله كمال نازل تقطيع في ابراهيم عيسي وسعد الدين ابراهيم وعمرو الشبكي وتقريبا دخل علي المقال السابع عنهم والغريب انه كاتب حاجات ما تتعرفش الا من ملفات امن الدولة !!!؟؟؟؟ ودة مثال من الامثلة لكن بصراحة كله كوم وحبيب قلبي مصطفي بكري دة بقي روحي روحي روحي قال ايه خير اللهم اجعله خير كاتب عن الاربعين بتاع صدام شفتوا تعريص اكتر من كدة ( يا راجل دة انت ما كتبتش مقال عن الاربعين بتوع ضحايا العبارة ) اما بقي باقي الجرايد نصهم بيهاجم الاخوان والنص التاني بيدافع عنهم وكل دة والشعب يا ولداة مش فاهم حاجة من اللي بيحصل الكل نسي قضية اكياس الدم الملوثة ونسي قضية العبارة ومحرقة بني سويف وغلاء الاسعار وبقي كل كلامنا عن سفاح المعادي اللي بيجرح وما بيقتلش وعن فرح بنت الوليد بن طلال وعن شركة المحمول الثالثة عمركم شفتوا شعب ربعه شايل موبايلات اخر موديل ونصه بيبات جعان عندنا كل سنة معرض كتاب فيه الاف الكتب ومعدل قراية المواطن العربي في السنة ربع صفحة ودة كله كوم وقناة الناس دي كوم تاني تخيلوا ان البلد كلها بتطالب بحرية تكوين الاحزاب وتشجيع الناس علي المشاركة السياسية والاقي شيخ طالعلي علي قناة الناس يقول " احمد الله انني لم اتحزب في حياتي قط " وانا عايز اقولة واحنا كمان بنحمد ربنا انك ما دخلتش حزب ومش عايزينك حتي تفكر في الموضوع ده والله خلاص القناة دي برجلت الواحد هي العملية ناقصة الوهابيين كمان يبوظوا في البلد اكتر ما هي بايظة مش كفاية علينا نواب القروض ورجال الاعمال اللي زي ممدوح اسماعيل صاحب شركة السلام 98 والوزراء اللي علي شاكلة يوسف والي علي العموم انا بصراحة زهقت ومش عارف اخرة اللي بيحصل في البلد دي ايه لكن فيه ازمتين لو اتحلوا ممكن ساعتها يبقي فيه امل ازمة الشعب المحتاس وقناة الناس ......... طبعا قناة الناس واخواتها وعلي العموم بكرة البترول يخلص ويبقوا يوروني شطارتهم بقي

كل امتحانات وانتم طيبين

2007-01-05T04:08:00.000-08:00

طبعا كان نفسي يكون اول بوست لينا في السنة الجديدة تهنئة ببداية السنة الجديدة ونقولكم كل سنة وانتم طيبيين

لكن انتم عارفين تاتي الرياح بما لا تشتهي السفن والامتحانات فرضت نفسها علي الفرحة بالسنة الجديدة وبالعيد الكبير كمان معلش بقي

هنعمل ايه ما احنا طلبة غلابة ومكسورين الجناح ( وما تفهموش كلمة مكسورين الجناح دي غلط علشان انا عارفكم ) وعالعموم كل سنة

وانتم طيبيين ويارب السنة القادمة نكون خلصنا من الامتحانات وارفها علشان الواحد يعرف يتمتع بحياتة ويعيشها زي باقي مخاليق ربنا

وادعولي انجح والنبي علشان انا في بكالوريوس وخلاص بقي زهقت من الكلية كفاية كدة حلو اوي الفترة اللي الواحد عاشها داخل اسوار

الكلية عايزين بقي نعيش اللي باقي من عمرنا

ان شاء الله هنكمل نشاطنا التدويني بعد

ما تخلص امتحانات التيرم هتوحشونا

انتاجات شركة شمروخ حصريا علي اي كلام

2006-12-26T08:29:00.000-08:00

http://video.google.com/videoplay?docid=-3456643834809829807
ولاول مره وفقط وحصريا ودون سابق إنذار
مدونة اي كلام تنفرد وتنثني وتنكمش وتنبعج بعرض فيلم بحبك يا ....
انتاج : شركة شمروخ للانتاج الفني

وجديربالذكر ان مدونة اي كلام هي الوكيل الوحيد للشركة السالف ذكرها
وقدجاء هذا عن طريق الصدفه البحته
إثر بحث السيد حرنكش في محرك البحث الشهيرجوجل
وقد اكد السيد انامين من جانبه عن ان المدونة ستسعي في المستقبل الي توزيع عدد اكبر من الفيديوهات المدفونة في محركات البحث امثال جوجل ويوتيوب وخلافه واكدمصدرمسئول رفض الاعلان عن هويته ان المسئولية الجنائية تقع علي الجهة المنتجه ولا دخل للمدونة بذلك
إتك عالرابط واخلص
http://video.google.com/videoplay?docid=-3456643834809829807

حافة الهاويه

2006-12-13T01:00:00.000-08:00

بالطبع الصور التي نشرت في جريدة المصري اليوم تحت عنوان «ميليشيات إخوانية» تستعرض مهارات القتال داخل جامعةالأزهر
امامنا تغني عن اى تعليق بالرغم من تناقض المشاعر عند رؤيتها ما بين رافض لهذه الصور ومبرر لما حدث ونحن هنا لسنا بصدد الحكم علي صواب او خطا ما قام به طلاب جماعة الاخوان المسلمين في جامعة الازهر ولكننا نحاول ان نحلل ما قاموا به وما الاسباب التي دفعت هؤلاء الطلبة الي ما قاموا به والي هذه الحالة الخطيرة التي وصل اليها الطلبة داخل اسوار الجامعة او ما يسمونه الحرم الجامعي من احتقان واحساس بالظلم ولعل معظم هذه الاسباب قد لايكون خفيا علي الكثير منا ففي ظل وجود لائحة طلابية تفتقد لابسط قواعد الديمقراطية والمشاركة وتدخلات امنية عنيفة وصريحة وغياب كامل لدور الادارة الجامعية بعد ان تخلت عن دورها داخل الجامعة لصالح امن الدولة وعندما نعود للوراء لاسابيع قليلة لنري ما حدث داخل جامعة عين شمس اثناء اجراء انتخابات الاتحاد الحر عندما اقتحمت مجموعة من البلطجية حرم الجامعة مدججين بالسيوف والسنج والاسلحة الحادة هذا الي جانب زجاجات الملوتوف التي كانت تلقي من الخارج علي الطلاب داخل الجامعة وكل هذا تحت سمع وبصر الحرس الجامعي وبتسهيل منهم ومع ذلك تحلي الطلبة بضبط النفس بالرغم من حدوث اصابات بين صفوفهم ثم تلا ذلك بعدة ايام فصل امين الاتحاد الحر بجامعة الازهر وطلبة اخرين دون معرفة اسباب هذا الفصل التعسفي بل والتحدث مع الطلبة بتهكم واستعلاء عندما ذهبوا ليستفسروا عن اسباب قرارات الفصل وعندما نعود شهور للوراء لنتذكر منع رئيس جامعة حلوان التحاق الطالبات المنقبات بالمدينة الجامعية وشطب جميع الطلاب المعارضين والمستقلين من انتخابات اتحاد الطلبة بل والقبض ايضا علي مجموعة من طلبة جامعة حلوان المنتمين للاخوان الا ترون معي ان كل هذه الاسباب كفيلة لكي تفجر غضب طلاب جامعة الازهر بهذه الصورة التي رايناها والتي افزعت البعض واحزنت البعض الاخر وانا منهم ليس لما حدث ولكن لما وصل اليه حال الجامعات المصريه الان وبدلا من ان يهتم وزير التعليم العالي بمشاكل الطلبة والتعليم تفرغ للهجوم علي الطلبة وعلي اساتذة حركة9 مارس واذا كان البعض قد غضب لما قام به طلاب الاخوان بجامعة الازهر فانا احب اذكرهم ان العنف يولد العنف وخصوصا اذا كان هذا العنف موجها الي الشباب واحب ايضا ان اذكر الجميع بان كل الطلاب المعارضين لسياسات الدولة في التعليم داخل الجامعات المصرية هم في النهاية طلاب مصريين ويجب ان تتعامل معهم الدولة ومؤسساتها علي هذا الاساس ولا ادري متي يجلس الرئيس مبارك مع هؤلاء الطلبة لمناقشتهم فيما يفعلون وفي افكارهم التي يعتنقوها كما فعل الرئيس السادات وعبد الناصر من قبل ام ان هذا اصبح في زماننا درب من الجنون في ظل نظام اصبح علي حافة الهاوية وسيقود البلد الي حالة من الفوضي بدات تظهر ملامحها في الافق فما حدث في جامعة الازهر لن يكون الحدث الاخير من نوعه انتظروا المزيد والمزيد.........

فريق ون شوت السينمائي في ضيافة راديو مصر اليوم

2006-12-10T22:27:00.000-08:00

في الساعه السادسة من مساء الثلاثاء الموافق 12/12 يستضيف المذيع : طارق عبد الجابر في راديو مصر اليوم الالكتروني فريق ون شوت السينمائي وذلك ضمن ندوة عن السينما المستقبلية في مصر ويُطرح فيها عدة أسئله.....

هل هذه السينما سوف تحل محل السينما القديمة ؟

ومن يدعم هذه السينما ؟

----

يمكنكم المشاركة في الندوة عبر البريد الالكتروني info@masrelyoum.com

او عبر الاتصال المباشر بالبرنامج علي تليفون رقم 3356419
----

تأسس فريق ون شوت السينمائي منذ عدة شهور.....فالتقائهم ومعرفتهم الاولي كانت عبر الانترنت

فقد قاموا بإنشاء مجموعة بريدية بعنوان

http://groups.yahoo.com/group/oneshot
وكان الهدف منها هو الزيادة من التواصل الفني والثقافي فيما بينهم

ثم جاءت حفلتهم السينمائية الأولي والتي أقيمت في نقابة الصحفيين بالقاهرة في يوم 10/12

وقد حظيت باهتمام إعلامي مناسب

تم بها عرض ثلاثة أفلام قصيرة إنتاج مستقل

وتلي عرض الأفلام ندوة شرفها بالحضور الناقد الفني نادر عدلي

وأدار الندوة الصحفي الشاب احمد ناجي

هذا ويمكث مؤسسو فريق ون شوت السينمائي حالياً في التفكير بإنتاج أول أعمالهم " باسم الفريق " بآليات وافكار جديدة لم تستخدم عربيا وربما عالميا من قبل.

بين قوسين + لا امتلك جرأة الواد ده ياجدعان

2006-12-02T15:20:00.000-08:00

الـ " بين قوسين" كده في السريع

-----------

( من يومين شوفت ايوب عالبورصه

يذكر اني كنت مستنية اون لاين

ايوب زي الفل والحمد لله

الحقيقه كنا قاعدين مع مدونين زي
السكر

مش عارف ممكن اقول اساميهم ولا لا

اللي اقدر اقولهم
جيمي وسيزر
وميت

ومحمد
الطاهر ، محمد الطاهر كان فرحان علشان اشتري دومين
وربنا تاب عليه من البلوج سبوت

وعمال يقول غيرولي العنوان عندكم
علشان الجوجل يشوفني :))

ابقوا
روحو بركوله

وادعوا ان الجوجل يشوفه

وكان فيه مدون جديد لانج " بشوكه "
مدونته اسمها
مصر المخروسه

هو صديق عزيز ليه وبهديله الصورة
دي

حسيت انها معموله علشان البلوج
بتاعه

الصورة من
البوم الصور بتاعي

كانت قعدة مدونين كلهم زي الثكر

---------

معلش يا خونة بقالي كتير انا
وعيد مكتبناش

علشان كان فيه اعمال صيانه في
المدونة

نخش في البوست بقي

----------------------------

لا امتلك جرأة الواد ده ياجدعان

جامعة الازهر اول كلمة بقولها كل
يوم

لان بقولها في سؤال لسواق
الميكروباص الصبح

كشكول المحاضرات مش في ايدي

لان النيه لمرواح الجامعه مش علشان المحاضرات

لكن علشان حاجات تانيه

جامعة الايه يو سي بتاعة العبد لله

Azhar Univ in Cairo

قدام قاعة المؤتمرات في مدينة نصر

روحت لقيت اصدقاء السوء :) مستنيني

ها ياشاب علي فين العزم

بلا بلا بلا

يلا علي سيتي ستارز

ركبت عربية واحد من اصدقاء السوء:)
وانطلقنا علي اول مكرم حيث سيتي ستارز

وما ادراكم ما سيتي ستارز في
الوقت ده

يظهر ان فيه ناس كتير اوي اتفقوا
معايا في نيه عدم اخذان كشكول المحاضرات اليوم ده وكان عندهم نيه اخري زيي بالظبط

نيهاهاهاهاهاهاه

قاعدين بنضحك وبتاع لغاية ما واحد
قال انا هسيب الجامعه

كلنا بطلنا ضحك في نفس واحد

وبصيناله مستنيين يقول ايه السبب

وكاننا حسينا اننا لو سألناه هنكون
بنضيع وقت

راح قال دي تاني سنه ليه في سنه
اولي

وشكلي كده هركن

فعلي ايه؟؟؟

احنا : طيب هتدرس فين يابني ؟؟

هو : هدرس كورس عن التصوير

احنا : انت بتقول ايه ؟!

احنا برضه : يعني مالوش شهاده
يكالوريوس او كدهع يعني

وكاننا فجرنا
قنبله

هو : وانا لغاية امتي هفضل متساق
زي البقرة

علشان بس الشهاده

وهو فيه شغل بشهادات

لازم ابدا بنفسي

وارفض الجمود اللي بقينا فيه

واخد قراري

وادرس اللي بحبه

انا بحب التصوير

وعمري ما حبيت التجارة ولا
المحاسبة

قصدة البيزنيس ادمن استريشن اللي
بيدرسه معايا :)

-----------------------------------

يذكر ان العبد لله في نفس موقف السابق ذكرة الدراسي

first year 4
seconed time

وفكست منناالخروجة طبعاً

ادعولي وادعوله ياخونة

مستنيك تبقي اون لاين ياأيـــــــوب

2006-11-21T09:22:00.000-08:00

تحديث

-----------

أيوب حرٌ طليق

الخبر من عند الشرقاوي

الاسم : رامي صيام

الحقيقة الاسم ده معرفتوش الا في فطار المدونين الاخير

اللي كان في السوق

او بالظبط قبله بايام لما وصلني الايميل منه وكان الايميل يحمل اسمه

رامي صيام

الفطار ده هو كان الفطار الوحيد " علي حد علمي " اللي كان فاتح دراعاته لاي مدون

مهما كان

--------------------

بداية معرفتي
بايوب ابتدت في اعتصام التحرير الاول

يومها كان يوم جميل

وكنا كلنا بنساعد بعض في رفع اليفط وسيزر كان قاعد في الجنينه " مكان الاعتصام " بيرسم صور عن الوحده الوطنيه

انا فاكر كويس الحوار اللي دار بينا" انا وايوب"

كان حوار صغير يادوبك

اتعرفنا علي بعض

وعرفت انه بيدوّن

وساعتها انا مكنتش لسه عملت بلوج

او هوه ده اللي كنت بقولة

بعد كده جمعتنا قعدات دردشه عالبورصه

---------

الحقيقه

مش عارف ممكن اقول ايه عن
ايوب

بس اللي عايز اقوله انه انسان عنده قدره جميله علي التواصل الجيد مع كل الاشخاص

في كل كلمه بيتكلمها بحس فعلا انا بيحب مصر بالعقل وبالقلب

----------

اخر مره شفته

اخر مره شوفته وقعدت معاه كانت عالبورصه برضه

و عمر واحمد عبد الخالق وناس تانيه كمان

قعدنا ندردش شوية وكانت القعده في اطار التجهيز لعمل عام ما

وسبتهم حوالي 5 العصر
يعني قبل ما يتخطف باتناشر ساعه

---------------

قبل اليوم اياه بيوم

قاعدين عالبورصه بعد مظاهرة نقابة الصحفيين الاخيرة

جيمي
ومحمد الطاهر واخرين قاعدين معانا علي نفس الترابيزة

قمت اكلم
الشرقاوي في الترابيزة اللي جنبينا

لقيته" ايوب" بينده ويقول ياازهري

وانا بتلقائيه ببص علي اللي نده

-- مش فاكر اصلا مين اللي قاله اني ازهري---

يمكن انا - مش فاكر

وبعد كده لحقت نفسي

وقلتله انا ماليش دعوة بالازهر

رد ببساطه وقاللي

بس انا اول ما قلت ياازهري رديت عليا

الحقيقه معرفتش ارد

ومع معرفتي الطويلة برامي " مشيّتِش " معاه عالنت الا مرتين

مره كان معانا ناس كتير في نفس المحادثة

ومره تانيه ملحقناش نتكلم غير ربع ساعه

**********

يمكن علاقتي بأيوب مش قوية اوي

مع تمنياتي طبعا انها تبقي قوية

لكن فعلا انا بفتقده

وعايزة يرجع

يمكن تبقي لي فرصه اني اشيت معاه اكتر

يمكن الاقيه دلوقتي داخل اون لاين

وبيقوللي انه صلّح كمبيوتر الداخليه علي حسابه الشخصي

ده علي اساس ان الداخليه فقيره

ومبتخدش جزء كبير جدا من ميزانية الدولة
ويمكن يكون عذر لايوب انه مكنش يعرف ان فيه حظر تجوال

علشان حامي الحمي هيقول انه بالعند في اي حد قاعد لغاية ما عزرائيل يقوللة جييم اوفر

مستنيك تبقي اون لاين ياايـــوب

المحضر الكامل لحادثة اغتصاب سياسي

2006-11-13T14:06:00.000-08:00

سامحونا

سامحونا ان شتمناكم قليلا واسترحنا

سامحونا ان نحن صلحنا

كتب التاريخ لاتعني لنا شيئا

واقدار يزيد وعلي اتعبتنا

اننا نبحث عمن لايزالون يقولون كلاما عربيا

فوجدنا دولا من خشب

وكلاما فارغا من اى معني

سامحونا ان قطعنا صلة الرحم التي تربطنا

سامحونا ان فعلنا

سامحونا ايها السادة ان نحن جننا

الف دجال علي اكتافنا

استباحوا دمنا منذ ولدنا

الف بوليس علي اوراقنا

يطلقون النار لكن ما سقطنا

حاولوا ان يقطعوا ارجلنا

كي يعيقوا الزحف لكنا وقفنا

قطعوا الايدي كي لانمسك الاقلام

لكنا كتبنا

حاولوا ان يقنعونا ان قول الشعر كفر فكفرنا

(نزار القباني )

عدنا بعد الفاصل

2006-11-08T01:08:00.000-08:00

ياااااه

اهو الواحد لما يبعد شوية كده بيعرف مين اللي بيحبه ومين اللي بيقوله مع السلامه

لكن خير خير خير

الاصدقاء بيبانوا وقت الشده

شكرن ياعيد ياحبيب قلبي

وشكرن لكل اللي بيمروا علي البلوج ولو حتي داخلين يهزروا بس

حبايبي والله

كفايه كده بأه لحسن اعيط

نلتقي بعد الفاصل

2006-11-01T14:57:00.000-08:00

طبعا يا جماعه انتم ملاحظين اني انا وصديقي الانتيخ حرنكش بقالنا حوالي 10 ايام ما كتبناش حاجة جديدة وبصراحه السبب في ده راجع لان صديقي حرنكش بيمر بمرحله تاريخية في حياته البتنجانيه وهياخد علي اثر هذه المرحله عدة قرارات تاريخية وحاسمه بالنسبه له وايا كانت القرارت اللي هياخدها فبالتاكيد انا ساكون بجانبه في هذه المرحله وانا منتظر ظهوره مرة اخري لاني بقالي فترة ما شفتوش وهو واحشني جدا وبكلمة علي التليفون مش بلاقيه وعلي الموبايل مغلق وعلشان كدة قررت اني ابعتله رساله عبر مدونتنا وبقوله

عوووووووووووووووووووووووووووووود يا حرنكش

كل سنه وانتي طيبة

2006-10-22T17:37:00.000-07:00

هذه اللحظة من اللحظات
القليله التي تراوضني بها رغبة حقيقية في الكاتبة والتعبير عن ما بداخلي

اريد ان اوجه رسايل الي
اشخاص غير موجودين في هذه الدنيا

ومن من أريد الكتابة
اليهم

هي .....

أريد ان اقول لها

ياريتك كنتي معايا

كان نفسي اقضي العيد
معاكي

او حتي بس اخرج معاكي
خروجه

واقلك لما تروّحي رنيلي
- زي ماكنا بنعمل -

وتروحي انتي مترنليش
علشان مامتك زعقتلك وانتي اتنكدي ونسيتي - برضه زي ما كان بيحصل -

نفسي ...نفسي بجد ..نفسي
في اللي انتي نفسك فيه

نفسي المس إيديكي

ويمكن

اكتر من كده شوية

كتير كنت بحللم باليوم
اللي نوصل فيه لقمة التواصل الانساني

واللي هيتحقق كله في وقت
قمة التواصل الجسدي

نفسي

ومظنش انه كتير عليه....
ان صوابعي تلمس صوابعك

وألمس شعرك كده زي ما
العازف بيلمس الهارب

نفسي بجد

ونفسي اوي

بس انتي مش موجوده معايا

الله يرحمك ...بس انا
والله ما نسيتك ولا هنساكي وهفضل فاكرك وكل عيد بيعدي عليه

بتمني فيه انيك تكوني
معايا

وبلعن ابو الايام اللي
كانت هتبقي احلي واحلي واحلي بيكي

ممكن تحملوا الاغنية اللي كنت بسمعها قبل
ما اكتب البوست
من هنا

وما الدنيا الا فردة جزمه كبيرة

2006-10-14T18:38:00.000-07:00

طبعا كلنا عارفين فوازير الف ليله وليله لكن الجديد ان وزارة التجارة والصناعه قررت عمل فوازير الف جزمه وجزمه وده بعد ما اعلنت الوزارة ان مصر استوردت 65 مليون جوز ولا مؤاخذه جزم من الصين في اخر عشر شهور بس والغريب ان المسؤولين اعتبروا ده شيء يفرحهم ويسعدهم لانه بيدل علي مدي قوة ومتانة العلاقات البتنجانية بينا وبين الصين واكيد اول ما تقرا السطور دي هتقول عليا " يا بن الفشاره " لكن ورحمة خالي حسن لو مش مصدق اقرا عمود ( من الواقع ) في الصفحه الاخيرة بجريدة المساء في عدد يوم الثلاثاء 10 اكتوبر بتاع الاستاذ محمد فوده وطبعا دي جريدة حكومية يعني مش هيكدبوا وصدقوني الموضوع فعلا فزورة كبيرة بلد زي بلدنا اقتصادها متدهور والناس مش لاقيه تاكل طب يبقي مين اللي هيشتري ال 65 مليون جزمة دول من الشعب وبعدين المصيبة اننا استوردناهم في عشر شهور بس طيب لو قلنا كل واحد هيشتري جزمه واحدة يبقي المفروض في 65 مليون مواطن لابسين جزم ( وطبعا ده عند امه يا ادهم ) طيب يبقي الجزم دي جايبنها ليه بس؟ولما بدات اشغل دماغي شوية قلت يمكن جايبنها لنواب مجلس الشعب كسلاح استراتيجي ممكن بستخدموه في حالات الاشتباك في المجلس بس انا افتكرت ان احمد عز متعقد من الموضوع ده وبالتاكيد مش هيسمح بالموضوع ده يحصل في مجلسه ( مجلس الشعب يعني ) تاني تفسير جه في دماغي ان الجزم تكون علشان جمال مبارك ( ما تفهموش غلط ) يعني علي اساس انه لما يمسك الحكم يلبس كل يوم جزمه يدوس بيها علي رقبة مواطن بسيط وبعد كده يرميها بس رجعت وقلت اكيد هو مش بالجراه انه يعمل كده مع انه في الواقع بيدينا بالجزمه مع كل قرار غبي بيقرره في لجنة (الهساسات ) تالت تفكير جه في دماغي ان الرئيس مبارك يكون ناوي يقدمهم تبرع لاعمار لبنان ويبقي صاحب الفضل ان مفيش حد في لبنان هيمشي حافي بس ازاى يعمل كده ونص شعبه بيجيب جزم بالتقسيط المريح والنص تاني بيلبس جزم فردة وفردة طيب بس الجزم دي كلها لمين بس يا ربي اخ افتكرت صحيح دي ممكن تكون علشان وزارة الداخلية علي اساس يستخدمها عساكر الامن المركزي بدل العصيان بعد ما اثبتت الجزمه في الفتره الاخيره نفسها كسلاح ردع ضد المتظاهرين وطبعا علشان بتوع حقوق الانسان ما يتكلموش الجزم جديدة ومفيش حد لية حجة لما يضرب ومش بعيد كمان يكتبوا اسماء المتظاهرين علي الجزم علي اعتبار انك تضرب بجزمتك مش بجزمة حد تاني وبعدين المسثمرين اكيد مش هيبخلوا علي الداخلية ب 1000 ولا 2000 جزمة يعني علشان خاطر يستخدموهم في حفظ امن واستقرار البلد ضد التظاهرين الوحشين بس برده باقي الجزم هتروح فين يا جدعان انا هتجنن حد يرد عليا ؟ المصيبه انهم 65 مليون جوز يعني لو كانوا 65 مليون فردة كنا قلنا معلش لكن جوز ازاي طيب ؟ ومين اللي هيلبس كل الجزم دي وامتي ؟ علي العموم كل اللي اقدر اقوله في النهاية عمار يا مصر يا ارض الجزم وعلي راي المثل وما الدنيا الا فردة جزمة كبيرة ياريت لو حد يعرف ليه الجزم دي كلها يقولي والنبي لاني بصراحة تعبت من التفكير في الموضوع ده . ده الواحد اخره يشتري رباط جزمه وبعد كده يفضل يحوش في تمن الشراب كام شهر عشان يشتريه وعلي ما ييجي يشتريه يكون بقي صغير عليه صحيح وما الدنيا الا فردة جزمه كبيرة .

محمد عيد

عيد ميلاد سعيد ياعيد

2006-10-14T09:27:00.000-07:00

النهارده من اول النهار وانا شايف وواخد بالي ان الشمس مطلعتش

قعدت اسئل نفسي واقول ياتري ياواد ياحرنكش ايه السبب ؟؟

المهم

بصيت في النتيجة

لقيت النهاره 14/10

اااااااااااااااااااااااااااااه

علشان كده بأه

اصلي زي النهارده ...من كم سنه كده

اتولدت صديقي وزميل الكفاح التدويني محمد عيد

قلت ياواد ياحرنكش

معلش بأه

اهو يوم ويعدي

وادخل في البتاع بتاعكوا اللي عالنت ده وقول اي كلام وخلاص

قلت ادخل واقله....

كل عيد وانت طيب يامحمد ياعيد

كل عيد وانت طيب ياعيد

بس فين الهديه صحيح

المفروض تجيلبي هديه

مش كده ولا ايه

صديقك في البلوج

محمود صابر ...الشهير بالكونت حرنكش

المعارضة الديجيتال

2006-10-03T15:42:00.000-07:00

كلما بحثت عن السبب الحقيقي وراء عزوف الناس البسطاء عن المشاركة في الحياة السياسية والمطالبة بحقوقهم لم اجد سببا قويا يدفع الناس الي الحالة التي هم عليها رغم انني متاكد انه بعد قراءة هذه الكلمات سنجد الكثيرين يسهبوا في سرد الاسباب الحقيقية وراء هذا الموضوع ولكن للاسف دائما يضع السياسي نفسه عند البحث عن الاسباب خارج اطار المشكلة تماما لدرجة انك قد تشعر انة كان مهاجرا وعاد لتوه الي مصر والماساة الحقيقية اننا جميعا نعرف المشكلة ونعرف اسبابها ونعرف ايضا كيفية حلها ولكن للاسف يتصور السواد الاعظم من السياسيين الان ان مهمتهم هي وضع حلول للمشكلة وينسون دورهم الاهم في محاولة تطبيق هذه الحلول بطريقة صحيحة مما يساعد علي سرعة حل المشكلة نهائيا
وعلي سبيل المثال عندما يناقش بعض السياسيين ازمة المعارضة في مصر ووقوفها عند حدود النخبة وعجزها ان تكون معارضه شعبية حقيقيه وبالطبع الاجابات معروفه مسبقا وهي النزول الي الشارع وتبني قضايا المواطن البسيط الخ الخ ... وهنا يقف دور السياسي في ايجاد الحل ولا نعلم من يعتقد انه المسؤول عن تطبيق هذه الحلول , ولاتتخيلوا مدي دهشتي عندما بدات اتامل هذا الكم الهائل من المدونين والمجموعات البريدية والمنتديات والمواقع المهتمة بالقضايا السياسية وايضا العدد الكبير من الافراد المشتركين والمتفاعلين مع هذه الوسائط ومع ذلك مازلنا كما يقولون ( محلك سر ) ولايوجد سبب لذلك غير ان معظم النشطاء السياسين اصبح الانترنت بالنسبة لهم غاية وليست وسيلة لدرجة انهم اصبحوا يحاولون تخيل واقع وهمي ليس له وجود الا في مخيلتهم فقط يحاولون من خلاله تحقيق ما عجزوا عن تحقيقه علي ارض الواقع ويتم ذلك من خلال افتعال ازمة بين طرفين حول قضية ما ويحارب كلا من الطرفين في سبيل اثبات صحة افكاره ونظرياته مع انه في كثير من الاحيان يكون الطرفان علي قدر كبير من الجهل بالمشكلة التي هم بصدد تحليلها ومحاولة حلها وقد تنتهي المناقشة بينهم الي لا شيء لانه لم يكن الهدف الاساسي من وراء اثارة هذه القضية حلها اساسا هذا بالاضافة الي اساليب الحوار السطحية والهشة والمبتزلة في بعض الاحيان والتي قد تنتهي بسباب وشتائم وفي بعض الاحيان بمشاجرة ( والله يمكن الحزب الوطني ما بيعمل كده ) ولذلك قررت ان اطلق لقب المعارضين الديجيتال علي هؤلاء الافراد الذين لانسمع لهم صوتا الا علي صفحات النت والمشكلة الحقيقية من وجهة نظري اننا صرنا نسير في دائرة مغلقه فالمعارضين الديجيتال يطرحون القضايا وهم وحدهم الذين يناقشونها وهم ايضا الذين يضعون حلول لها فلم نسمع مرة مثلا عن احد المعارضين الديجيتال ينزل الي الشارع لكي يعرف فيما يفكر المواطنين البسطاء( بواب العمارة – بتاع اللبن – بتاع البطاطا – بتاع الفول هذا اذا كانوا من الاساس يعيشون في مناطق يوجد فيها بتاع البطاط وبتاع الفول) وهل هم علي دراية تامة بكل ما يحاك ضدهم من قبل النظام ام لا وانا علي استعداد لتحدي كل المعارضين الديجيتال ان ينزلوا الي الشارع ويناقشوا هذه الطبقه من الناس ويجدوا اكثر من 10او 20% يعلمون السبب الحقيقي لما هم فيه من فقر وجوع بل قد تجد رجل فقير ولا يجد ما يكفيه لمواصلة الحياه ويجيبك ( الحمد لله يا بيه كل اللي يجيبه ربنا كويس ربنا ما بينساش حد ومحدش بيموت من الجوع ) بالطبع لااحد من المعارضين الديجيتال يعلم شيء عن هذه الحقيقه المفجعه الموجوده في قلب الشارع المصري وانا حقيقة اعذرهم لانهم مشغولون بقضايا الساعه والتي لايمكن تاجيلها ( اوقفوا هالة سرحان – بيان التيار الناصري في لبنان – لقد كان الرسول (ص) ليبراليا – الماديه الجدليه – موقف السنه من الشيعة ) وانا هنا لااقصد كل من تحدث او طرح هذه الموضوعات ولكني اتحدث عن مناضلين الانترنت فقط والذين اكتفوا يموقعهم بين صفوف المعارضة الديجيتال وللاسف لم نجد رجلا مثل استاذي العزيز د\يحيي القزاز الذي دعا بمبادرة فردية الي اعتصامين من انجح الاعتصامات ( اعتصام القضاة – اعتصام ميدان التحرير الاول ) ولذلك ارجو من كل من ينتظر تحرك الناس حتي يتحرك ان يبدا هو بالحركة حتي يقتدي به غيره وان يحاول مرة ومليون او ان يصمت للابد ويظل كما هو في صفوف المعارضة الديجيتال .

أطمنوا عجلة التطور مش واقفة

2006-09-21T00:20:00.000-07:00

بسم الله الرحمن الرحيم

( فأما اليتيم فلا تقهر *
وأما السائل فلا تنهر )

صدق الله العظيم

ياأهل الخير أنني مطلقة
وأعول ثلاثة أطفال ( طفلة في المدرسة ) أعولهم من فضل الله ومن مساعدات أهل الخير (
وأنتم أباء وأمهات وتحسون بما يحتاجه هؤلاء الاطفال ) فضلا عن اني أسكن بإيجار شهري
100 جنية ، لذا أطلب المساعده من أهل الخير رزقكم الله العافية ورزقكم الخير كلة
وهداكم الي ما يحبة ويرضاه

لا تتعجب إطلاقا إذا كنت
راكب وسيلة نقل عام ( وطبعا انته عارف انهي هي وسيلة النقل العام .... ايوه ايوه
اللي بتغلَي كل خميس الساعه 12 والناس نايمة...ومتسئلش اشمعني اتناشر بالذات
.....

أقول ايه بس ياربي في
أطفال قاعده:)

وتلاقي إمرأه "سنها
متقدرش تعرفه علشان مغطية وشها بالنقاب " بتدليك في ايدك ورقه مكتوب فيها الكلام
اللي فات ده

طبعا كل حاجه بتطور او
المفروض انها تطور

ويمكن التسول من الحاجات
اللي مع التطور المفروض تتقهقر ...ولكن ابتسم ... انت اكيد في مصر!!!!!

ورقه مطبوعة بالكمبيوتر
ومتصورة .....هيه اخر طرق التسول

ما اهو برضه ليهم حق

همه كل مايركبو مواصله يعضو
يقولو الكلام من اول وجديد

ولو انت متابع التطور
الادائي بالنسبة للشحاتين

هتلاقي ان في احدي المراحل

كان المشهد المعتاد انك
تلاقي طفل في حدود اتناشر تلتاشر سنه فاتح كراسة وكتاب قدامة وقاعد تحت عمود
نور في الشارع

اللي غالبا هوه شارع من
شوارع وسط البلد

ويقولك ممكن سندويتش علشان
اكمل مذاكرة

وطبعا لو انت قلبك طيب

هيتهيألك ان ده مشهد مأساوي
ومتقدرش تتحرك الا لما تنفذ اللي طلبة منك الطفل اللي بيذاكر ......او اللي
بيدعي انه بيذاكر

وطبعا علي مدي اقناع
المتسول ليك هتكون حجم الحسنة اللي هيدفعها العميل ..اللي هوه انت يعني ..

وده ان دل فاكيد بيدل
عالكتير

ومن اهم الحاجات اللي بيدل
عليها ان فعلا في ابداع في مصر

وكل يوم فيه جديد

وعجلة التطور مش هتقف "
عجلة التطور بتاعه الشحاته يعني مش بتاعة حاجه تانية "

***الصورة تعبيرية وملهاش علاقة بالموضوع

2006-09-13T05:38:00.000-07:00

من مواطن بسيط عادي، سحقه الفقر، وأرقه الظلم، وقهره الاستبداد، يؤمن بأنه لا خلاص من الظلم إلا بالتكتل والمواجهة،ولا قيمة لمواجهة فردية ، والقيمة في الجموع، ففي المجموع احتماء، وقدرة على مواصلة النضال.

من أجل ذلك أحتمي بكم، وأدعوكم

لمظاهرة في مواجهة نظام مبارك الفاسد تبدأ من الساعة السادسة مساء الاثنين 18/ 9/ 2006 بميدان التحرير وسيعقبها لمن يريد اعتصام في خيام في حديقة الحرية (الحديقة المدورة) بميدان التحرير

نص دعوه دكتور يحي القزاز

بين نارين

2006-09-08T08:17:00.000-07:00

في الفترة اللي جاية من المتوقع ان يحدث ما هو ليس متوقع
يوم خمسة وعشرين تسعه بيعقد مؤتمر الحزب الوطني واللي كل الناس اللي بتدعي انها
بتفهم في السياسة بتقول ان المؤتمر ده هيحمل فيه الكثير من المفاجأت اللي كعادة
الجزب الوطني غير سارة دائما للمصريين

احدهم ينظر لك من فوق نظارتة ويقول اصلي المؤتمر بتاع الحزب الوطني اللي جاي هيعلن
فيه مبارك تنحية عن الرئاسة " وقبل دماغك ماتروح بعيد " رئاسة الحزب طبعاً

وواحد تاني يقولك اصلي المؤتمر ده هيتم فيه تحجيم بعض الاطراف
الي في الحزب الوطني المشكوك في ولائهم ولو بنسبة 1% للعائلة
المباركة وعملية التوريث

ويمكن ده من الاسباب اللي خلت الحزب الوطني يدعو بعض الشخصيات العالمية للمؤتمر ده
!!!
ومش بس كده !

من هنا لغاية شهر حداشر اللي مقرر فيه ان تحدث نعديلات
دستورية محدش عارف ايه اللي ممكن يحصل
ولو تم تفصيلها اكيد الترزي هيتعب حبتين واللي هيتعبو
مجموعة التمنية وتمانين بتاعة الاخوان ومجموعة الاتناشر
بتاعة " اللامؤخذه " المعارضه "
متعودين من النظام انه بيتجنب اي سخونة في الاحداث
السياسية أثناء الدراسة وده طبعا خوف من الطلاب اللي
ممكن يفاجئوا النظام ومصر
كلها بأشياء ولا في الحسبان

*مبارك بين نارين*
خوفة من المفاجأت اللي ممكن يعملها
الطلاب بصفه خاصة والشعب المؤيد للمعارضه بصفه عامة
وخوفة من المجتمع الدولي بدليل انه بيدعو
شخصيات عامة عالمية
علشان يحصل علي شرعية مصطنعه وكاذبة
وغير حقيقية لو تم التوريث

المصيف وما يتفسحون

2006-08-31T18:19:00.000-07:00

رايح حته بعيده
يعني هاخد اجازة واتفسح واشم هوه غير
هوه وسط البلد والبورصه
قعد افتكر كده بقالي اد ايه مخرجتش
برة القاهره لقيتني بقالي خمس سنين مخرجتش برة كوردون العاصمة
واخيرا هتنفس واسافر برة القاهره
منكرش اني قلقان
ومنكرش برضه انا مبحبش السفر وبحب
القاهره ومبحبش اخرج منها
انما خلاص فاض بيه
والتغيير مهم
ده بما اننا يعني بنطالب بالتغيير
وبتاع :)
واحلي حاجه في الفسحه دي انها مع
اصدقائي وعلي راسهم صديقي العزيز انا مين " شريكي في المدونة

خلاص بقي
عايز اسمع ..ترجع بالسلامة
ياحرنكش
ولو مرجعتش المدونة امانه في رقبتكم
ده بعد الشر عني طبعا وانشاء اللي يكرهوني
وابقوا اكتبو في الكومنتات
اصحاب المدونة اختفو في ظروف مغمضه
يلا بأه فتكو بالعافية

الوقوف علي العلم الصهيوني يشفي الغليل

2006-08-19T15:41:00.000-07:00

مقدرش انكر اني لما بشوف العلم الاسرائيلي او الامريكاني بيتهان

بحس كده باحساس جميل اوي ونادرلما بحسة

يمكن ده احساس " بالخيبه والوكسة" اننا مش قادرين نعمل حاجه غير الوقوف عليه بالاحذية

واخر حاجه ممكن نعملها هي حرقة

انما في الوقت الحالي بالذات مقدرش اقول ان وقوفنا عليه ترجمة طبيعيه لمعاني الخيبه

لان ده بيحصل في الوقت اللي حزب الله حقق فيه انتصار محدش يقدر ينكره

وكانت لحركة شباب من اجل التغيير مظاهرة امام نقابة المحامين اعلنت فيها رفضها لنزع سلاح المقاومة اللبنانيه المتمثلة في حزب الله

واللي الصورة الموجوده دي منها

الصورة دي لاطفال

اطفال جايين المظاهرة وماسكين في ايديهم يافطة مكتوب عليها

ان الحكام العرب عار علي الامة العربية

اطفال وقفو علي العلم الامريكي والصهيوني باقدامهم

وبصراحه فشو غليلي

احنا بتوع الاتوبيس

2006-08-05T13:04:00.000-07:00

رفضت الرقابة للمرة العاشرة عرض فيلم "احنا بتوع الاتوبيس" علي شاشات التليفزيون المصري بتوصيات امنية طبعا وكان السبب اللي ذكرتة الرقابة امنع عرض الفيلم هو ان الوقت غير مناسب لعرض الفيلم وعندما ننظر للاسباب المعلنة ستتخيل نفسك وكانك تعيش في بلاد واء الواء او مع الهنود الحمر انة لشيء عجيب ان يتم منع عرض الفيلم بعد ان عرضتة الفضائيات العربية مليون مرة لدرجة انك قد تجد نفسك حفظت مشاهد كثيرة من الفيلم ولكن يبدو ان الحكومة بتعمل بالمثل اللي بيقول " اللي علي راسة بطحة " وطبعا هذا الفيلم بما يحتوية من فضح لاجهزة الامن في طريقة تعاملها ليس فقط مع المهتمين بالسياسة ولكن حتي مع المواطن البسيط ستجعل الحكومة تشعر بكل بطحاتها اللي علي راسها واللي علي ......ولا بلاش , الفيلم بالفعل يحاكي الواقع الذي نحياة اليوم في عصر دولة بوليسية ( مع احترامي للكلاب البوليسية ) لا تعرف غير السحل والضرب والاعتقال وهتك الاعراض في التعامل مع من يعارضون سياساتها وبالطبع الحكومة لاتريد المواطن البسيط الذي لايتمكن من مشاهدة الفضائيات من مشاهدة هذا الفيلم لانها بالبلدي مش عايزة تفتح عين الشعب علي الحاجات دي ومن مصلحتهم ان يظل الناس نايمين في العسل ( الاسود طبعا ) حتي يتم المحال ويركبنا جمال وساعتها فقط سيتم عرض الفيلم ليؤكد ان عصر الديمقراطية ( بتاع اللي جابة ) بدا منذ احظة تولية الحكم وسيخرج علينا ممتاز القط ( اللة يسخطة فار ) ليؤكد ان جمال مبارك جاء لينهي ما افسدة ( اللي جابة ) وان الامر مش هيستغرق اكتر من تلاتين سنة بس حتي تعم الديمقراطية ارجاء المحروسة واللة ان منع هذا الفيلم جريمة في جبين هذا النظام سيدفع ثمنها في يوم من الايام فالايام دول ودوام الحال من المحال يا ابو جمال . وليلتك جلة يا ابو جمال

مرسي بهيج .

ايووووه ..بقينا مدونين ياجدعان

2006-07-30T06:12:00.000-07:00

ياااااه

واللهي ماعارف اقول اايه

الموضوع كان ضحك وهزار وتهييس

انا كنت قاعد مره في نقابة الصحفيين

وروحت قايل كلمه كده مش عارف ايه اللي خلاني اقولها

قولت لاتنين اصحابي ايه رايكم ..ماتيجو نعمل مدونه

عادي يقي

لقيتهم بيقولو قشطه وبييس ..ومعاك في الحوار

خلاص ياجدعان كلام رجاله

اه كلام رجاله ياحرنكش

طيب انا هكريت النهارده ..وأبعتلكو النفيتيشن

الكلام ده حصل من حوالي شهر خمستاشر يوم ..مش فاكر

لاني من بعد ماكريت وبعت الانفيتيشن ...محدش عبرني من اللي كانو معليين حسهم اوي وهمه بيقولو كلام رجاله

لكن النهارده 30/7/2006

حصلت المعجزة الكبري

ولقيت رساله عالميل بتقولي ان فيه واحد من الاتنين قبل النفيتيشن

لولولولولولولولولوي

عقبال عندكو ياعيال

وبدخل عالبتاع لقيته كمان عامل بوست

عقبال التاني يارب

عارفين كمان اللي عمل البوست كنت عمال اقوله مين اللي هيعملنا الديزين

يقولي عيب عليك

اقوله يعني انته

يقولي ياراجل هتجيب ديزينر وانا موجود

وطبعا زي ماحضراتكو شايفين

الديزاين اللي عاملينه متميز جدا

ومن رابع البتنجالات انك تلاقيه عند اي مدون

ماشي ياجدعان

منجلكوش في مدونه واقعه

سر الارض

2006-07-30T05:16:00.000-07:00

حاولت ان اتجنب متابعة ما يحدث في فلسطين ولبنان وعشان كدة قررت مقاطعة قناة الجزيرة ومتابعة التليفزيون المصري لكن برده مفيش فايدة (اللة يحرقهم ) مش عايزين يسيبوني في حالي لكن خير اللهم اجعله خير لقيت الريس البركة طالع علينا زى العفريت اللي طالع من القمقم هو وصاحبة الانتيخ الملك عبد الله الحمار بتاع الاردن وفي مؤتمر صحفي بهيج (محدش يفهمني غلط ) أكد سيادة الطرطور وجلالة الطنبور أن اللي بيحصل في فلسطين ولبنان بسبب حزب اللة وسياساتة بنت الأحبة اللي بتخلية يجيب ورا ادام ايران وحماس وسوريا وبما انهم تجرؤا وخطفوا اتنين اسرائيليين خلاص بقي يلبسوا وذنبهم علي جنبهم ومحدش هيساعدهم من الحكومات العربية لانهم بالبلدي خلاص لبسوا في العمود يستاهلوا عشان يحرموا يسوقوا الهبل في الجبل ويهاجموا اسرائيل تاني ويبقوا يخلوا ايران تنفعهم وده كان ملخص المؤتمر الصحفي اللي عملوا سيادتة وجلالتة وبعدهم علي طول طلع علينا أحد رعاة الغنم من السعودية عشان يفقعنا بنفس الكلام ويبدو انة متاثر جدا بافلام الكارتون(space tone ) لانة كل شوية يقول مغامرات مغامرات مش عارف بصراحة اية موضوع المغامرات ده أما الرئيس بشار الجبار اللي ما يتهدلة دار او يموت لة حمار( مصدر العبيطة علي الآخر) ورغم ان صوت الانفجارات والنعمه هيخرم ودانه لكن يبدو انه في نزهة في الغابة بيفسح الاسد او بيحمي الفيل او بيجري ورا النعام او بيلعب مع كلب البحر ماتعرفشي بالظبط علي العموم ربنا معاه برده اصلة خلف الحبايب لكن بصراحة الراجل لما عرف قال احسن خليهم يتعلموا الادب ويعرفوا ان اللة حق يعني كان الجيش بتاعنا بيحمي النسوان بتاعتهم وهما نايمين علي بطنهم بيتشمسوا علي الشواطيء وفي الاخر طردونا يوروني هيدافعوا عن نفسهم ازاي أما الاخ معمر القذافي فدة حكايتة حكاية صدقوني يا جدعان الراجل ده بيحب فلسطين ولبنان المشكلة ومافيها ان الشعب الليبي لسة ظايط عشان فوز ايطاليا بكاس العالم والراجل مش عايز يعكنن علي شعبة باخبار وحشة تبوظ فرحته شوفوا الراجل اد اية بيخاف علي شعبة ومش عايز حتي يزعلة وشوفوا اد اية الشعب الليبي وفي للناس اللي احتلوه في يوم من الايام وطلعوا عين اهلة واللة يا جدعان الدمعه هتفر من عيني تخيلوا انهم مستعدين يخسروا من ايطاليا في الكرة ولا انهم يخسروا من أي منتخب ابن كلب عربي وده لان العشرة ماتهنشي الا علي ولاد الحرام والليبيين ولاد حلال مصفي طيب يا جماعة والنبي الرؤساء دول يعملوا اية اكتر من كدة يعني يروحوا يحاربوا بنفسهم عشان شعوبهم المتخلفة تستريح وتهمد ( اللة يكون في عونهم ) لكن الغريب ان معظم الرؤساء العرب ما يعرفوش حاجة عن اللي بيحصل في لبنان وفلسطين ولما حاولت اعرف السبب عرفت ان الرؤساء المخلصين لشعوبهم بيتفرجوا علي تسجيلات مباريات كاس العالم اللي فات بعد ما قرروا انهم مش هيشوفوا المباريات زيهم زي باقي الشعب وهيتفرجوا علي التسجيلات بعد ما كاس العالم ينتهي علي العموم انا في الاخر لقيت ان احسن حل هو اني اتفرج علي حاجة واحدة بس وهو برنامج سر الارض .

وصبح صبح يا عم الحاج

مرسي بهيج